Soybean: सोयाबीन-कापूस अनुदान खात्यात कधी जमा होणार ?

Cotton Soybean Madat: सोयाबीन-कापूस अनुदान शेतकऱ्यांच्या खात्यावर कधी जमा होणार, या योजनेसाठी किती शेतकरी पात्र ठरलेत याबद्दलची माहिती या व्हिडिओतून घेणार आहोत. तर या योजनेच्या अंमलबजावणीबाबत शेतकऱ्यांमध्ये संभ्रमय. राज्य सरकारने २०२३ च्या खरीप हंगामातील कापूस आणि सोयाबीन उत्पादक शेतकऱ्यांना ५ हजार रुपये किमान दोन हेक्टरच्या मर्यादेत अनुदान देण्याची घोषणा केली. एका शेतकऱ्याला २ हेक्टरसाठी जास्तीत जास्त १० हजार रुपये तर २० गुंठयापेक्षा कमी क्षेत्र असेल तर सरसकट १ हजार रुपये मिळणार आहेत. त्यामध्ये पात्र शेतकरी कोण असणार तर ज्या शेतकऱ्यांनी ई पीक पाहणी अॅप किंवा पोर्टलवर नोंदणी केली, असे शेतकरी पात्र ठरणार आहेत. पात्र शेतकऱ्यांची माहिती घेण्यासाठी राज्य सरकारनं आधारच्या माहितीचा वापर करण्यासाठी संमती पत्र शेतकऱ्यांकडून भरून घेण्याचं ठरवलेलंय. त्यामुळं आधारवरील माहिती वापरण्यासंबंधीचं संमती पत्र शेतकऱ्यांना कृषी सहाय्यकाकडे भरून द्यायचं आहे. तर दुसरं म्हणजे सामायिक खातेदारांना एक ना हरकत पत्र भरून द्यायचं आहे.