Ladaki Bahin yojana: मुख्यमंत्री लाडकी बहीण योजनेचा पहिला हप्ता कधी येणार?

Ladaki Bahin yojana Online Application: शासकीय सेवेत काम करणाऱ्या महिला, कायम कर्मचारी, कंत्राटी कर्मचारी किंवा उपक्रम तत्वावर असणाऱ्या महिलां या योजनेसाठी अपात्र आहेत. त्यात केंद्र आणि राज्य सरकारच्या सेवेत असलेल्या महिलांनाही या योजनेचा लाभ मिळणार नाही. लाभार्थी महिलांच्या कुटुंबाचं एकत्रित उत्पन्न २ लाख ५० हजार असेल तर अशा महिला अपात्र आहेत. त्यात एकतर पाच एकरपेक्षा अधिक शेतजमीन असेल तर महिलांना योजनेचा लाभ मिळणार नाही. बरं एवढंच नाही तर कुटुंबातील एखादा सदस्य इन्कम टॅक्स म्हणजे आयकर भरत असेल तर अशा महिलांनाही या योजनेचा लाभ मिळणार नाही. आता अर्ज करताना आवश्यक कागदपत्र कोणती आवश्यक आहेत? तर या योजनेसाठी ऑनलाईन अर्ज दाखल करायचा आहे. त्यासाठी उत्पन्नाचा दाखला, रहिवासी, दाखला, आधारकार्ड, रेशनकार्ड, पासपोर्ट साईज फोटो, बँक खाते पासबुक झेरॉक्स, हमीपत्र अर्ज करताना लाभार्थीकडे असणं गरजेचं आहे. मुख्यमंत्री माझी लाडकी बहीण योजनेचा अर्ज मोबाइलवरून किंवा सेतु सुविधा केंद्रावरून करता येणार आहे. तर ज्या महिलांना स्वत: अर्ज ऑनलाईन करता येणार नाही, अशा महिलांना अंगणवाडी, ग्रामपंचायत, बाल विकास प्रकल्प अधिकारी कार्यालयामधील कर्मचाऱ्यांकडून ऑनलाईन अर्ज करता येणार आहे.