Pest control: कामगंध सापळा शेतात कधी लावायचा?

Crop Care: सापळ्याच्या प्लॅस्टिक पिशवीचे टोक जमिनीकडे येईल, अशा प्रकारे मजबूत काठीच्या एका टोकाला बांधावा. ती काठी पिकाच्या उंचीच्या एक ते दोन फूट इतकी उंच असावी. दोन सापळ्यामधील अंतर हे साधारणपने ५० मीटर असाव.सापळ्याच्या वरच्या बाजूला एक छप्पर असत. त्याच्या आतील बाजूला एका खाचेमध्ये लिंग प्रलोभन म्हणजेच ल्युर लावले जाते. या ल्यूर लाच मादीचा गंध असतो. हे ल्युर पॅकेटमधून काढल्यानंतर साधारणपणे २०-२५ दिवसांपर्यंत त्याचा गंध हा टिकून राहतो. हे ल्यूर तु्म्हाला कोणत्याही कृषी सेवा केंद्रावर सहज मिळतं. हे ल्यूर वेगवेगळ्या पिकांवर येणाऱ्या विविध पतंगवर्गीय किडींच्या नियंत्रणासाठी वेगवेगळं असतं. त्यामुळे अपल्याकडं कोणतं पीक आहे त्यानूसार ल्यूरची निवड करावी लागते.