Papaya Price: कोथिंबीरचे दर स्थिर; तसेच काय आहेत पपई, मका, कारली आणि तूरीचे आजचे बाजारभाव

papaya price: पपईला मागणी असतानाच बाजारातील आवक मात्र कमी आहे. त्यामुळे पपईच्या दरात वाढ झाली आहे. सध्या राज्यात पपईला १६०० ते १८०० रुपये प्रतिक्विंटलचा दर मिळत आहे. राज्यातील बाजारात कारलीची आवक कमीच आहे. तर दुसरीकडे कारलीली उठाव चांगला आहे. सध्या करलीला सरासरी ३ हजार ते ३ हजार ५०० रुपयांपर्यंत दर मिळत आहे. मका कणसाला बाजारात सध्या चांगली मागणी आहे. सध्या मका कणीस प्रतिक्विंटल १५०० ते २ हजार रुपयांच्या दरम्यान भाव मिळत आहे. राज्यातील बाजारात कोथिंबरची आवक काहीशी वाढलेल दिसत आहे. मात्र बाजारात कोथिंंबीरला प्रतिक्विंटल सरासरी १५०० ते २ हजार रुपये दर मिळत आहे. तर प्रतिजुडी ४ रुपये ते ५ रुपयांचा भाव मिळत आहे. तुरीचे भाव देशात मंदीतच आहेत. सध्या बाजारातील आवक कमी असूनही तुरीचे दर ६ हजार ते ६ हजार ५०० रुपयांच्या दरम्यान आहेत.