Moong price: मुग आणि गवारचे दर स्थिर, गहू-सोयाबीन-कापसाच्या दरात घट कायम

देशातील बाजारात सध्या मुगाची आवक काहीशी कमी झाली आहे. देशातील बाजारात सध्या मुगाला सरासरी प्रतिक्विंटल ६ हजार ५०० ते ७ हजार ५०० रुपयांच्या दरम्यान भाव मिळत आहे. बाजारातील गवारची आवक आजही कमीच होती. त्यामुळे बाजारात गवारला ५ हजार ते ६ हजारांच्या दरम्यान सरासरी भाव मिळाला. बाजारात नव्या गव्हाची आवक सुरु झाली. देशातील अनेक राज्यांमध्ये नवा गहू विक्रीसाठी येत आहे. आज देशातील बाजरात गव्हाला प्रतिक्विंटल सरासरी २ हजार ६०० ते २ हजार ७०० रुपये भाव मिळाला. तर आज दुपारपर्यंत सोयाबीनचे वायदे १०.१७ डाॅलरवर होते तर सोयापेंड ३०२ डाॅलरवर होते. देशात मात्र सोयाबीनची दरपातळी आजही स्थिर होती. सोयाबीनची बाजारातील आवक काहीशी कमी झाली होती. प्रक्रिया प्लांट्सचे भाव आजही आजही ४ हजार ५० ते ४ हजार १५० रुपयांच्या दरम्यान होते. तर बाजारात सोयाबीन ३ हजार ७०० ते ३ हजार ८०० रुपयांनी विकले गेले. देशात कापसाचा बाजार दबावातच आहे. तर आंतरराष्ट्रीय बाजारात कापसाच्या भावात काहीसे चढ उतार सुरु आहेत. बाजारात कापसाला सरासरी ६ हजार ७०० ते ७ हजार १०० रुपयांच्या दरम्यान भाव मिळाला.