Kisan Morcha: संयुक्त किसान मोर्चा 'या' मागण्यांसाठी करणार पुन्हा दिल्लीत आंदोलन

BJP: महाराष्ट्र, राजस्थान, उत्तरप्रदेश आणि हरियाणात भाजपच्या जागा कमी झाल्या. हरियाणात तर २०१९ मध्ये १० जागांवर बाजी मारणाऱ्या भाजपला यंदाच्या लोकसभा निवडणुकीत ५ जागा समाधान मानावं लागलं. त्याला अर्थात शेतकऱ्यांच्या नाराजीची पार्श्वभूमी आहेच. आता तर हरियाणातील शेतकरी आणि जाट मतदारांना आपल्याकडे खेचत सत्तेच्या समीकरणात निर्णायक भूमिका बजावण्यासाठी भारतीय राष्ट्रीय लोकदलानं गुरूवारीच मायावती यांच्या बहुजन समाज पार्टी म्हणजेच बसपाशी आघाडी केलीय. एकूण ९० पैकी ५३ भारतीय राष्ट्रीय लोकदल तर ३७ जागा बसपा लढवणार आहे. या आघाडीत अजून काही पक्ष सामील होतील, असं विधान भारतीय राष्ट्रीय लोकदलाचे अभय चौटाला यांनी केलंय. त्यामुळे भाजप आणि कॉँग्रेसला रोखण्यासाठी तिसरी आघाडी हरियाणात उघडली गेलीय. आणि त्यांचा फोकस आहे जाट, शेतकरी आणि मायावती यांचा पारंपारिक मतदार यांच्यावर. भारतीय राष्ट्रीय लोकदल आणि बसपा तिसऱ्यांदा एकत्र येतायत. बसपाचा हरियाणात पारंपरिक मतदार आहे. त्याचा फायदा घेऊन सत्ताधारी भाजपला खाली खेचण्याची तयारी सुरू केलीय. आघाडी-युतीच्या घडामोडी आणि संयुक्त किसान मोर्चाची आंदोलनाची घोषणा यांचं टायमिंग पाहता हरियाणात विधानसभा निवडणूकीचं राजकारण शेतकऱ्यांभोवती फिरण्याची शक्यता अधिक दिसतेय.