Lemon Prices: वाढत्या उन्हामुळे लिंबाला मागणी

वाढत्या उन्हामुळे सध्या काकडीला चांगला उठाव मिळत आहे. राज्याच्या वेगवेगळ्या भागात काकडीला सध्या १ हजार १०० ते १ हजार ८०० रुपयांच्या दरम्यान भाव मिळत आहे. बाजारातील वाढत्या आवकेबरबोर तिळाच्या भावातही नरमाई दिसून आली. बाजारात सध्या तिळाला प्रतिक्विंटल सरासरी ८ हजार ते १२ हजार रुपयांच्या दरम्यान गुणवत्तेप्रमाणे दर मिळत आहेत. लिंबाला सध्या चांगली मागणी आहे. बाजारात सध्या लिंबाला ७ हजार ते ९ हजार रुपये क्विंटलच्या दरम्यान भाव मिळत आहे. राज्यातील सर्वच बाजारांमध्ये आल्याची आवक वाढली आहे. सध्या बाजारात आल्याला प्रतिक्विंटल सरासरी २ हजार ते ३ हजारांच्या दरम्यान भाव मिळत आहे. एप्रिल महिन्यात बाजारातील सोयाबीनची आवक कमी झाली. सोयाबीनचा भाव ४ हजार ते ४ हजार २०० रुपयांच्या दरम्यान दिसत आहे.