PM Kisan: पीएम किसानचा हप्ता २ तारखेला वितरीत होणार

PM Kisan 20th installment date: पंतप्रधान किसान सन्मान निधी योजनेच्या २०व्या हप्त्याच्या वितरणाचा मुहूर्त अखेर निश्चित झाला आहे. राज्यातील पात्र शेतकरी गेल्या दीड महिन्यापासून या हप्त्याची प्रतीक्षा करत होते. मात्र, विविध तांत्रिक व प्रशासकीय अडचणींमुळे हप्त्याच्या वितरणात विलंब झाला, ज्यामुळे शेतकऱ्यांमध्ये या योजनेसंदर्भात संभ्रम निर्माण झाला होता. आता मात्र २ ऑगस्ट रोजी पीएम किसान योजनेचा २० वा हप्ता शेतकऱ्यांच्या खात्यात जमा केला जाईल, अशी अधिकृत माहिती केंद्रीय कृषी मंत्री शिवराजसिंह चौहान यांनी दिली आहे.