PM Kisan Installment: पीएम किसानचा २० वा हप्ता कधी जमा होऊ शकतो?

PM Kisan Yojana delay: शेती आणि शेतकऱ्यांचे प्रश्न समोर ठेवत केंद्र सरकारने पंतप्रधान किसान सन्मान निधी योजनेचा मोठ्या प्रमाणावर गाजावाजा केला आहे. मात्र, या योजनेच्या २०व्या हप्त्याच्या वितरणावर सरकारने सध्या मौन पाळलं आहे. सामान्यतः हा हप्ता पंतप्रधान नरेंद्र मोदी यांच्या हस्ते वाटप केला जातो. मात्र सध्या पंतप्रधान नरेंद्र मोदी हे पाच देशांच्या दौऱ्यावर असल्यामुळे २०व्या हप्त्याचे वितरण पुढे ढकलले गेले आहे. पंतप्रधान मोदी ९ जुलै रोजी भारतात परतणार आहेत. त्यामुळे १३ जुलै नंतर पीएम किसान योजनेच्या २०व्या हप्त्याच्या वितरणासाठी हालचाली सुरू होतील, असा अंदाज व्यक्त केला जात आहे.