Crop Loan: आता पीक कर्जासाठी शेतकऱ्यांना 'सिबिल'चं बंधन नाही?

Devendra Fadnvis: राज्यस्तरीय बँकर्स समितीनंही कर्ज वाटपाच्या सूचना दिलेल्या असल्या तरी बँकांकडून कर्ज वाटप करताना टाळाटाळ केली जातेय. त्यामुळं शेतकऱ्यांना मात्र जाच सहन करावा लागतोय. त्यामुळे या प्रश्नांच्या मुळाशी जावं लागेल. त्यासाठी शेतकरी हिताचे धोरण राबवण्यासाठी राज्य सरकारला पुढाकार घ्यावा लागेल. आणि भारतीय रिझर्व्ह बँकेशीही समन्वय साधून मार्ग काढावा लागेल. कारण केवळ उपमुख्यमंत्री फडणविसांच्या इशारानं प्रश्न सुटणार नाही. सोयाबीन, कापूस आणि कांदा उत्पादकांची दिशाभूल लोकसभेच्या मैदानात महायुतीला महागात पडली आहे. त्यामुळं आता तरी फडणवीसांनी केवळ आश्वासन आणि इशारांची खेळी करू नये, अशी शेतकऱ्यांची अपेक्षा आहे.