NABARD: कृषी स्टार्टअप्ससाठी नाबार्ड देणार निधी

Farmer: भारतात शेतमाल मूल्यसाखळी विकसित करण्यावर भर देण्यात आलेला नाही. त्यामुळं कृषी क्षेत्राच्या विकासाला ब्रेक लागलेलाय. केंद्र आणि राज्य सरकारच्या अनास्थेमुळं ग्रामीण अर्थकारणाची चाकं गाळात रुतलेली आहेत. त्यामुळं ग्रामीण भागातील संस्थांना जोडण्यासाठी आणि पायाभूत सुविधा निर्माण करण्यासाठी नाबार्ड गुंतवणूक करणार आहे. ग्रामीण भागात रोजगार निर्मितीला खिळ बसलेली आहे. त्यामुळे शेतकरी उत्पादक संस्थांना रोजगार निर्मितीच्या उद्देशाने चालना देण्यासाठी नाबार्ड प्रयत्न करतंय. अॅग्री sure च्या लॉन्च वेळी कृषी आणि शेतकरी कल्याण विभागाचे सहसचिव ए. के साहू म्हणाले, कृषी आणि ग्रामीण भागातील समस्या सोडवणे, या उपक्रमाचा उद्देश आहे. तसेच या उपक्रमातून देशातील अल्पभूधारक शेतकऱ्यांची संख्या लक्षात घेऊन त्यांच्या उत्पादन वाढीसाठी तंत्रज्ञान निर्मितीवर लक्ष केंद्रित करण्यात येणार आहे." असं साहू म्हणाले. नाबार्डचे अध्यक्ष  शाजी केव्ही यांनी शेत मूल्यसाखळी वाढवण्यासाठी शेतीच्या डिजिटलीकरणाचं महत्त्व अधोरेखित केलं.