Solar Pump Compliant: सौर कृषी पंपासाठी महावितरणकडून मोबाईल अ‍ॅपवर पर्याय उपलब्ध

solar pump issue solution: राज्यातील सौर कृषी पंपधारक शेतकऱ्यांसाठी महावितरणकडून तक्रार नोंदविण्याची सुविधा उपलब्ध करून देण्यात आली आहे. आता सौर कृषी पंपात बिघाड झाल्यास शेतकरी थेट महावितरणच्या मोबाईल अ‍ॅपद्वारे तक्रार नोंदवू शकतात. राज्यात विविध योजनांअंतर्गत आतापर्यंत ५ लाख ६५ हजार सौर कृषी पंप बसवण्यात आले आहेत. मात्र, तांत्रिक बिघाड, देखभाल व इतर कारणांमुळे हे पंप बंद पडत आहेत. अशावेळी शेतकऱ्यांना अडचणींचा सामना करावा लागतो. कारण बहुतांश वेळा पुरवठादार कंपन्या तक्रारी लवकर नोंदवत नाहीत किंवा तत्काळ दखल घेत नाहीत. यामुळे शेतकऱ्यांवर अन्याय होतो. मात्र, आता मोबाईल अ‍ॅपच्या माध्यमातून तक्रार करण्याची थेट सोय झाल्याने शेतकऱ्यांची अडचण काही प्रमाणात कमी होण्याची शक्यता आहे.