Rain In July: जुलै महिन्यातील पावसाचा अंदाज हवामान विभागाकडून जाहीर

rain alert July: भारतीय हवामान विभागाचे महासंचालक डॉ. मृत्युंजय महापात्रे यांनी सोमवारी (३० जून) पत्रकार परिषदेत जुलै महिन्यातील पावसाचा अधिकृत अंदाज जाहीर केला. १९७१ ते २०२० या कालावधीतील सरासरी नुसार, जुलैमध्ये देशभरात सुमारे २८०.४ मिमी पावसाची नोंद होते. यंदा देशातील बहुतांश भागांमध्ये या सरासरीपेक्षा जास्त पावसाची शक्यता आहे. मात्र ईशान्य भारत, पूर्व भारत, दक्षिण द्वीपकल्प आणि वायव्य भारतातील काही भागांत सरासरीपेक्षा कमी पावसाची शक्यता वर्तवण्यात आली आहे.