Video
New Variety Vegetable: जॉइंट अॅग्रेस्कोमध्ये दोन विद्यापीठांच्या वाणांना प्रसारणासाठी मंजूरी
new crop varieties 2025: वसंतराव नाईक मराठवाडा कृषी विद्यापीठ आणि महाराष्ट्र कृषी शिक्षण व संशोधन परिषद यांच्या संयुक्त विद्यमाने गुरुवार (ता. २९) ते शनिवार (ता. ३१) दरम्यान आयोजित केलेल्या राज्यातील चार कृषी विद्यापीठांच्या ५३व्या संयुक्त संशोधन व विकास समितीच्या (जॉइंट अ‍ॅग्रेस्को) बैठकीत महत्त्वाचे निर्णय घेण्यात आले. या बैठकीत शेतीपिकांचे १४, फळपिकांचे ६ आणि भाजीपाला पिकांचे २ असे एकूण २२ नवे वाण तसेच १८ कृषी यंत्रे-अवजारे आणि २२५ सुधारित तंत्रज्ञान शिफारशी शेतकऱ्यांमध्ये प्रसारणासाठी मंजूर करण्यात आल्या. यातील ५ वाणांची राष्ट्रीय स्तरावर नोंदही करण्यात आली. याच बैठकीत मंजूर झालेल्या फळपिकांच्या आणि भाजीपाला पिकांच्या वाणांची माहिती आपण या व्हिडिओतून जाणून घेणार आहोत.
