Goat Rearing: शेळ्यांच्या आहारात पशुखाद्याचं नियोजन कसं असावं?

Goat Care: गाभण काळातील शेवटच्या दीड महिन्यात गर्भाशयातल्या पिलांची वाढ झपाट्याने होत असते आणि या वाढीसाठी शेळीला चांगल्या प्रकारचा संतुलित आहार देणं गरजेचं असतं. या काळात चांगल्या चाऱ्याबरोबरच शेळ्यांना १०० ते १५० ग्रॅम पशुखाद्य द्यावं. ज्या शेळ्यांना चांगल्या प्रतीचा चारा मिळत नाही अशा शेळ्यांना ३०० ते ३५० ग्रॅम पशुखाद्य दररोज द्यावं. याच काळात कासेतील काही जुन्या पेशी नष्ट होऊन नवीन पेशी तयार होत असतात. त्यासाठी प्रथिनांची गरज असते. गाभण काळात झालेल्या पोषणमूल्यांच्या साठ्याचा वापर हा दुध देण्याच्या काळात शेळ्यांचे वजन टिकवण्यासाठी होतो. म्हणून गाभण काळात पशुखाद्याचा वापर निश्‍चितच फायदेशीर ठरतो.