Millet Crop: वरईची शेती कशी करावी?

Millet Sowing: एक ते दीड मीटर रुंद, ८ ते १० सेंटीमीटर उंच आणि उतारानुसार लांबी ठेवून गादी वाफे तयार करावेत. ७ ते ८ सेंटीमीटर अंतरावर ओळीत १ ते २ सेंटीमीटर खोल बियाणे पेरून झाकावे. पेरणीपूर्वी आणि पेरणीनंतर प्रति गुंठा एक किलो युरिया द्यावा. अशा पद्धतीने लागवड केल्यास ३० ते ३५ दिवसांत रोपे लागवडीसाठी तयार होतात. ५ ते ७ गुंठे क्षेत्रावर केलेल्या रोपवाटिकेतील रोपे एक हेक्‍टर क्षेत्र लागवडीसाठी पुरेशी होतात. मुख्य शेतात लागवड करताना दोन ओळीत २५ सेंटीमीटर आणि दोन रोपांत १० सेंटीमीटर अंतर ठेवून लागवड करावी. पेरणीसाठी सुधारित जातींचा वापर करावा. सुधारीत जातीमध्ये  के-१  ही हलक्‍या जमिनीत येणारी मध्यम उंचीची हळवी जात आहे. तर जीपीयूपी-२१ ही जात मध्यम जमिनीत कमी ते मध्यम पावसात येणारी निमगरवी जात आहे.