Rain Update: उद्या राज्यातील अनेक जिल्ह्यांत अतिजोरदार पावसाचा अंदाज

Weather Update: हवामान विभागाने आज रत्नागिरी, रायगड आणि सातारा जिल्ह्यात काही ठिकाणी अतिजोरदार पावसाचा रेड अलर्ट दिला. तर सिंधुदूर्ग, कोल्हापूर, पुणे आणि ठाणे जिल्ह्याला काही ठिकाणी जोरदार ते अतिजोरदार पावसाचा ऑरेंज अलर्ट दिला. तसेच परभणी, नंदूरबार विदर्भातील बुलडाणा, अकोला, वाशीम, अमरावती, वर्धा आणि नागपूर जिल्ह्यात काही ठिाकणी जोरदार पावसाचा येलो अलर्ट दिला. तर मराठवाडा आणि मध्य महाराष्ट्रातील इतर जिल्ह्यांमध्ये काही ठिकाणी मध्यम ते हलक्या पावसाच्या सरी पडतील, असाही अंदाज हवामान विभागाने दिला.