Green Chilli Price: हिरव्या मिरचीचे दर टिकून; तसेच काय आहेत बाजरी, लसूण, केळी आणि लिंबाचे आजचे दर?

Lemon Market Price: वादळी पावसामुळे लिंबू बागांना फटका बसत आहे. फळगळ होत असल्याने बाजारातील आवकही वाढली होती. सध्या लिंबू ४ हजार ते ५ रुपयांच्या दरम्यान विकले जात आहे. रब्बी बाजरी बाजारात आल्यानंतर दरावरही दबाव दिसून आला. बाजरीला सध्या उठावही चांगला दिसत आहे. बाजरीला सरासरी २ हजार २०० ते २ हजार ५०० रुपयांच्या दरम्यान गुणवत्तेप्रमाणे दर मिळत आहे. बाजारात लसणाची आवक चांगली सुरु आहे. सध्या लसणाला प्रतिक्विंटल ६ हजार ते ७ हजार रुपये भाव मिळत आहे. राज्यातील बाजारात मागील काही आठवड्यांपासून हिरव्या मिरचीची आवक कमीच आहे. त्यामुळे हिरवी मिरची ३ हजार ते ३ हजार ५०० रुपयाने विकली जात आहे. केळीच्या भावात मागील ५ दिवसांपासून काहीशी नरमाई दिसून आली. मात्र केळीचे खरेदीदर एका आठवड्यातच ३०० ते ५०० रुपयांनी कमी झाले. सध्या बाजारात केळीला प्रतिक्विंटल सरासरी १२०० ते १५०० रुपयांच्या दरम्यान दर मिळत आहेत.