Rain Update: मध्य महाराष्ट्रात चांगल्या पावसाचा अंदाज

Weather Update : उत्तर आणि मध्य महाराष्ट्रात काही भागात चांगला पाऊस पडू शकतो, असा अंदाज श्री. खुळे यांनी व्यक्त केला. ते म्हणाले की, खानदेशपासून सोलापूरपर्यंतच्या मध्य महाराष्ट्रातील १० जिल्ह्यांमध्ये जून शेवटच्या आठवड्यात, भाग बदलत मध्यम पावसाने हजेरी लावली. परंतु खरीप पेरणीची स्थिती येथेही समाधानकारक नाही. जोरदार पावसाची प्रतिक्षा अजूनही कायम आहे. गुरुवारपर्यंत या भागात मध्यम ते जोरदार पावसाची शक्यता जाणवते. खानदेशातील ३ जिल्हे व पेठ, इगतपुरी, त्र्यंबकेश्वर, सुरगाणा, कळवण, सटाणा, मालेगाव, देवळा तालुक्यात मात्र काही ठिकाणी जोरदार पावसाची शक्यताही नाकारता येत नाही, असे खुळे यांनी सांगितले.