Crop Insurance: पीकविम्याची भरपाई शेतकऱ्यांना आणखी किती पैसे मिळणार?

kharif 2024 crop insurance payout farmers: राज्यातील शेतकऱ्यांना खरिप हंगाम २०२४ मधील पीक नुकसानीसाठी एकूण ३,८४७ कोटी रुपयांची विमा भरपाई मंजूर करण्यात आली आहे. यापैकी आतापर्यंत शेतकऱ्यांच्या खात्यांमध्ये ३,४३८ कोटी रुपये जमा करण्यात आले आहेत. राज्य सरकारने दुसरा हप्ता दिल्यानंतर उर्वरित भरपाई म्हणजेच काढणी पश्चात नुकसान आणि पीक कापणी प्रयोगावर आधारित भरपाई शेतकऱ्यांना मिळणार आहे. खरिप हंगाम २०२४ या हंगामात एकूण चार ट्रिगरच्या आधारे शेतकऱ्यांना भरपाई मंजूर झाली आहे. स्थानिक नैसर्गिक आपत्ती, हंगामातील प्रतिकूल परिस्थिती, काढणी पश्चात नुकसान आणि पीक कापणी प्रयोग यांवर आधारित ही भरपाई आहे. पहिल्या हप्त्यानंतर शेतकऱ्यांना स्थानिक आपत्ती आणि प्रतिकूल हवामान यावर आधारित भरपाई मिळत आहे.