Dragan Fruit farming: चांगल्या उत्पादनासाठी ड्रॅगन फ्रूट बागेचे व्यवस्थापन

Dragan Orchard Management: एका फांदीवर साधारणपणे १ ते १० कळ्या लागतात. परंतु यापैकी एक किंवा दोन कळ्यांची फळधारणा होईल, याची काळजी घ्यावी, जेणेकरून राहिलेल्या फळांचे आकारमान व वजन व्यवस्थित एकसारखे राहील. एका फांदीवर अधिक प्रमाणात फळ ठेवल्याने फळे आकाराने लहान राहतात वजनदेखील कमी भरते, परिणामी अशा फळांना दर कमी मिळतो. परंतु नैसर्गिकरीत्या सुद्धा कळी गळू शकते. म्हणून कळी अवस्था किंवा फूल उमलून दहा दिवसानंतरच इतर कळ्या खुडाव्यात. कळी नवीन असताना आणि फूल उमलून बंद झाल्यानंतप रसशोषक किडी आणि स्टेम कॅंकरचा प्रादुर्भाव होऊ नये, यासाठी किटकनाशक आणि बुरशीनाशकांची फवारणी करून घेणे आवश्यक असते.