Cotton Crop: कपाशी पातेगळीची कारणे

Cotton Crop Care: योग्य लागवडीच अंतर, त्या अंतराला अनुरूप वाणांची निवड, पिकांची वाढ नियंत्रित ठेवण्यासाठी वाढ व्यवस्थापन आणि वाढलेल्या झाडांच्या संख्येसाठी पुरेसा अन्नद्रव्याचा पुरवठा या गोष्टींच काटेकोर नियोजन करावं लागतं. पिकांच्या वाढीच्या प्रमाणात पात्यांची किंवा बोंडांची संख्या जास्त झाल्यास अन्नासाठी स्पर्धा निर्माण होते. गरजेप्रमाणे अन्नद्रव्याचा पुरवठा न झाल्यास पाते आणि बोंडांची गळ होते. त्यामुळे कपाशीची वाढ व्यवस्थापन करणं अतिशय आवश्यक आहे. भरपूर वेळा कमी अंतरावर लागवड केलेल्या कपाशीमध्ये खूप दाटी होते. त्यामुळे झाडांमार्फत प्रकाश संश्लेषणाची क्रिया योग्य प्रकारे होऊ शकत नाही. त्यामुळे अन्नद्रव्य कमी पडून पातेगळ होते. त्यामुळे आपण निवड केलेल्या लागवडीच्या अंतराला अनुकूल वाणांची निवड करणं तसच कपाशीचे वाढ व्यवस्थापन करण महत्त्वाच आहे.