Soyabean Seed: पेरणीपूर्व बीजप्रक्रियेमुळे कोणते फायदे होतात?

soybean seed treatment: सोयाबीन हे महाराष्ट्रातील एक अत्यंत महत्त्वाचे आणि व्यापक प्रमाणावर घेतले जाणारे पीक आहे. या पिकाला विविध बुरशीजन्य, जिवाणूजन्य, विषाणूजन्य तसेच सूत्रकृमीजन्य रोग होतात. हवामानातील बदलांमुळे या रोगांचा प्रादुर्भाव वाढतो आणि त्यामुळे उत्पादनात मोठी घट होते. हे रोग मुख्यतः जमिनीतून, बियाण्याद्वारे, हवेद्वारे किंवा कीटकांद्वारे पसरतात. एकदा का पीक रोगट झाले, की त्याचे नियंत्रण करणे खर्चिक आणि कठीण असते. म्हणूनच सुरुवातीपासून प्रतिबंधात्मक उपाय महत्त्वाचे ठरतात. बीजप्रक्रिया ही एक साधी, कमी खर्चिक व प्रभावी पद्धत असून तिच्या सहाय्याने रोग व किडींचा प्रारंभिक टप्प्यावर प्रतिबंध करता येतो. संशोधनात आढळून आले आहे की, केवळ बीजप्रक्रिया केल्याने उत्पादनात ८ ते १५ टक्केपर्यंत वाढ होते. जर बीजप्रक्रिया न करता पेरणी केली गेली, तर उगवण कमजोर राहते, झाडे रोगग्रस्त होतात आणि नियंत्रणासाठी अधिक खर्च करावा लागतो. संपूर्ण माहिती जाणून घेण्यासाठी वरील व्हिडिओ संपूर्ण पहा.