Soybean Market: कांद्याचा बफर स्टॉक बाजारात आणण्यावरून पुन्हा एकदा केंद्राकडून विचार करण्यात यावा अशी विनंती मोदींकडे केली. याशिवाय सोयाबीन आणि कापूस उत्पादक शेतकऱ्यांसह दूध उत्पादकांचे विविध प्रश्नांवर देखील पंतप्रधान मोदी यांनी विचारपूर्वक तोडगा काढवा, अशी विनंती केली. पण मोदींनी मात्र मुख्यमंत्र्यांच्या मागण्या आणि विनंतीवर एक शब्दही उच्चारला नाही. मुख्यमंत्रीपदाची शपथ घेतल्यानंतर शेतकरी आत्महत्या मुक्त राज्य करण्याची ग्वाही देणाऱ्या मुख्यमंत्र्यांची म्हणजेच एकनाथ शिंदेंची ग्वाही अडीच वर्षात हवेत विरून गेली. शेतकरी आत्महत्यासारख्या गंभीर प्रश्नावर मुख्यमंत्री शिंदेंनी भावनिक आवाहन करण्यात वेळ मारून नेली. परिणामी जानेवारी २०२४ ते जून २०२४ च्या दरम्यान राज्यातील १ हजार २६७ शेतकऱ्यांनी आपलं जीवन संपवलं. आता मात्र शिंदेंना शेतकरी आत्महत्य रोखण्यासाठी शेतकऱ्यांचं समुपदेशन महत्वाचं वाटू लागलंय. त्यामुळं त्यावरही सरकार एक टिम नियुक्त करणार असल्याचं सरकारच्या शेवटच्या काळात सुचलंय. म्हणजे शेतकऱ्यांना मानसिक ताणतणावापासून दूर ठेवता येईल, अशी शिंदे यांची धारणा आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.