Soybean Rate: सोयाबीन उत्पादकांना झटका

Farmer: सरकारने महागाई कमी करण्यासाठी कच्चे सूर्यफुल तेल आणि रिफाईंड मोहरी तेल आयातीला परवानगी दिली. खाद्यतेल आयातीवर काही प्रमाणात आयातशुल्क असतानाही भाव गेल्या चार वर्षातील निचांकी पातळीवर आहेत. यात सरकारने आयात शुल्क शुन्य केले तर याचा आणखी दबाव भावावर येईल, अशी भीती आयातदार आणि व्यापारी व्यक्त करत आहेत. आधीच खाद्यतेलाचे भाव पडल्याने सोयाबीन उत्पादकांनाही चांगला भाव मिळत नाही. त्यामुळे शेतकरी, व्यापारी, आयातदार आणि उद्योगही आयात शुल्कात वाढ करण्याची मागणी करत आहेत. पण सरकारने मागणीच्या उलट निर्णय घेऊन सोयाबीन उत्पादकांच्या जखमेवर मीठ चोळण्याचे काम केले आहे, असे शेतकरी नेत्यांनी सांगितले.