Paddy Weeder: भातातील तण काढण्याचे काम चिखलात करावे लागत असल्याने ते कष्टाचे आणि वेळखाऊ ठरते. रोवणीच्या वेळी दोन ओळींमधील अंतर कमी असल्यास तण काढण्यासाठी मजुरांची गरज जास्त भासते. चिखलात सतत वाकून काम केल्याने महिलांच पाठ आणि कमरेवर ताण येतो. भाताच्या पानांच्या कडांमुळे हात-पायांनाही इजा होऊ शकते. त्यामुळे मजूर कमी उपलब्ध असताना आणि मजुरी वाढत असताना तण नियंत्रणासाठी यंत्रांचा वापर करणे हा चांगला पर्याय ठरू शकतो..ओळीतील अंतर महत्त्वाचेभाताची एसआरआय सघन लागवड पद्धत, रोवणी यंत्र, राइस ग्रेन प्लॅन्टर, ड्रम सीडर किंवा जपानी पद्धतीने लागवड केल्यास दोन ओळींमध्ये २० ते २५ सेंमी अंतर ठेवता येते. या अंतरामुळे भात लागवडीनंतर साधारण १५ ते २० दिवसांनी दोन ओळींमधून अवजार चालवून डवरणी करणे शक्य होते. यामुळे आंतरमशागत जलद आणि कमी खर्चात करता येते. मात्र यंत्राने डवरणी करण्यासाठी शेतात आवश्यक ओलावा असणे गरजेचे आहे..Rotary Weeder: एका फेरीत तीन ओळीतील तण काढणारे रोटरी वीडर.पॅडी पॉवर वीडरचे प्रकारभातातील तण नियंत्रणासाठी पेट्रोलवर चालणारे पॅडी पॉवर वीडर उपलब्ध आहेत. त्यामध्ये सिंगल रो पॅडी पॉवर वीडर, डबल रो पॅडी पॉवर वीडर आणि ब्रश कटरचलित सिंगल रो पॅडी पॉवर वीडर असे प्रकार आहेत..१७ किलो वजनाचे स्वयंचलित यंत्रपॅडी पॉवर वीडर स्वयंचलित असून ते १.७५ अश्वशक्तीच्या इंजिनावर चालते. यासाठी पेट्रोलसोबत २ टी इंजिन ऑइल वापरावे लागते. प्रति लिटर पेट्रोलमध्ये ४० मिली २ टी इंजिन ऑइल मिसळावे. यंत्राचे वजन सुमारे १७ किलो असून महिला किंवा पुरुष सहजपणे ते चालवू शकतात..Agriculture Technology : बहुउपयोगी पॉवर वीडर....यामध्ये दोन शाफ्टवर आठ पाती बसविलेली असून त्यांचा वेग ३०० फेरे प्रति मिनिट आहे. पात्यांची रुंदी १५० मिलीमीटर म्हणजेच १५ सेंमी आहे. भाताच्या ओळी २०, २५ ते ३० सेंमी अंतरावर असतील तर या यंत्राचा व्यवस्थित वापर करता येतो. एक मजूर दिवसाला साधारण २ ते २.५ एकर क्षेत्राची डवरणी करू शकतो. यासाठी एकरी साधारण १ ते १.५ लिटर पेट्रोल लागते. यंत्राच्या मध्यभागी प्लॅस्टिकचे फ्लोट असल्याने पाणी असलेल्या चिखलातही ते चालवणे तुलनेने सोपे जाते..वेळ, श्रम आणि खर्चाची बचतयंत्राचे वजन कमी असल्याने वाहतूक आणि व्यवस्थापन सोपे होते. उभे राहून यंत्र चालवता येत असल्याने पाठ आणि कमरेवर ताण कमी येतो. कमी वेळेत अधिक क्षेत्राची डवरणी होत असल्याने मजुरी, वेळ आणि खर्चाची बचत होते. डवरणीमुळे मुळांच्या परिसरात हवा खेळती राहण्यास मदत होते. त्यामुळे मुळांची वाढ सुधारते आणि जमिनीतील ओलावाही टिकून राहण्यास मदत होते..काय काळजी घ्यावी?पेरणीनंतर साधारण २० दिवसांनी, म्हणजे रोपे चांगली रुजल्यानंतर, पहिली डवरणी करावी. दुसरी डवरणी ४५ ते ६० दिवसांनी केल्यास तण नियंत्रणासोबत मुळांच्या परिसरात हवा खेळती राहते. दोन ओळींमधील तण यंत्राने काढता येते; मात्र दोन रोपांमधील तण मजुरांकडून काढावे.यंत्राचे काम पूर्ण झाल्यानंतर सर्व्हिसिंग करावे. यंत्र सुरू असताना प्लग खराब होण्याची शक्यता असल्याने एक अतिरिक्त प्लग जवळ ठेवावा. तसेच प्रत्येक लिटर पेट्रोलमध्ये ४० मिली २ टी इंजिन ऑइल योग्य प्रमाणात मिसळण्याची काळजी घ्यावी..तण गाडल्यास सेंद्रिय खतपॉवर वीडरने डवरणी करताना दोन ओळींमधील तण कापले जाते. हे तण चिखलातच गाडले तर काही दिवसांत कुजून सेंद्रिय खत तयार होते. त्यामुळे जमिनीतील सेंद्रिय कर्ब आणि अन्नद्रव्यांचा उपयोग होऊन जमिनीची सुपीकता वाढण्यास मदत होते. चिखलाची उलथापालथ झाल्याने वातावरणातील प्राणवायू मातीत मिसळतो. तसेच रासायनिक आणि सेंद्रिय खते चिखलात मिसळण्यास मदत होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
