Tillage Equipment Maintenance: सध्या शेतामध्ये मशागत, नांगरणीला वेग आला आहे. त्यासाठी पॉवर टिलरचा वापर केला जातो. तसेच इतर कामांसाठीही त्याचा वापर मोठ्या प्रमाणावर केला जातो. मात्र पॉवर टिलरची योग्य देखभाल न केल्यास त्याची कार्यक्षमता कमी होते आणि बिघाड होण्याची शक्यता वाढते. त्यामुळे शेतकऱ्यांनी पॉवर टिलरची नियमित तपासणी आणि देखभाल करणे आवश्यक आहे..पॉवर टिलर वापरण्यापूर्वी इंजिन आणि एअर क्लिनरमधील तेलाची पातळी तपासणे गरजेचे आहे. तेल कमी असल्यास लगेच भरून घ्यावे. तसेच इंजिन फाउंडेशन, चॅसिस, चाक आणि दातांचे नट-बोल्ट सैल झाले नाहीत ना, याची तपासणी करून ते घट्ट करावेत. चाकांमधील हवेचा दाब योग्य ठेवणेही महत्त्वाचे आहे, कारण योग्य दाबामुळे यंत्राची पकड आणि काम सुधारते..Tractor Fuel Saving Tricks: ट्रॅक्टरची योग्य काळजी घेतल्यास १० ते २५ टक्के इंधन बचत शक्य.याशिवाय पॉवर टिलरच्या व्ही-बेल्टचा ताण योग्य आहे का, हे तपासावे. बेल्ट सैल असल्यास कामावर परिणाम होतो. गिअर बॉक्स आणि रोटरी चेनमधील तेलाची पातळीही नियमित तपासावी. शिफारशीनुसार इंजिन ऑइल, ऑइल फिल्टर आणि डिझेल फिल्टर वेळेवर बदलल्यास यंत्राचे आयुष्य वाढते, असा सल्ला जळगावच्या कृषि विज्ञान केंद्रातील कृषि अभियांत्रिकी विषयाचे तज्ज्ञ इंजि. वैभव सूर्यवंशी यांनी दिला..Tractor Heating in Summer: उन्हाळ्यात ट्रॅक्टर गरम होतोय? देखभालीच्या सोप्या ७ टिप्स!.हंगामानुसार योग्य प्रकारचे वंगण तेल वापरणेही गरजेचे आहे. थंडीत एस. ए. ई. ३० आणि उन्हाळ्यात एस. ए. ई. ४० प्रतीचे तेल वापरावे. गिअर बॉक्समध्ये एस.ए.ई. ९० प्रतीचे तेल वापरून ते सुमारे १५० तासांच्या कामानंतर बदलणे आवश्यक आहे..तसेच क्लच-शाफ्ट, क्लच रॉड, टेलव्हिल बुश आणि ऍक्सिलेटर केबल यांना वेळोवेळी तेल देणे गरजेचे आहे, ज्यामुळे भागांची झीज कमी होते. रोटाव्हेटर शाफ्टच्या ग्रीस कपमधील ग्रीस दर २५ तासांच्या कामानंतर बदलल्यास यंत्र सुरळीत चालते. त्यामुळे पॉवर टिलरची नियमित देखभाल केल्यास बिघाड टाळता येतो, खर्च कमी होतो आणि शेतीची कामे वेळेत व अधिक कार्यक्षमतेने पूर्ण करता येतात..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
