सोयाबीन पिकाच्या फवारणी आणि काढणीसाठीची आधुनिक यंत्रे

१) सौरचलित बॅटरी फवारणी यंत्र

-शेतातील पिकांवर फवारणी करत असतानाही बॅटरी चार्ज करते. चार्जिंगसाठी सौरऊर्जेचा वापर करते.

-या यंत्रामध्ये सौरऊर्जेचे रूपांतर विद्युत ऊर्जेत केले जाते.

-या यंत्रासाठी सोलर पॅनेल, १२ व्होल्ट बॅटरीची आवश्यकता असते.

-टाकी क्षमता- १५ लिटर.

२) मनुष्यचलित सायकल फवारणी यंत्र

-पिकांवरील कीटक व रोग नियंत्रणासाठी पाणी मिश्रित कीडनाशकांची फवारणीसाठी उपयुक्त.

-हे यंत्र हाताळण्यास सोईस्कर आहे.

- द्रावण आणि भुकटीच्या स्वरूपात कीटकनाशकांचा वापर करता येतो.

-फवारणीसाठी लागणाऱ्या वेळेत व खर्चात बचत.

-टाकीची क्षमता ११.५ लिटर.

३) ट्रॅक्टरचलित एअर बूम फवारणी यंत्र

- कापूस, सोयाबीन, वाटाणा इ. पिकावरील कीटकनाशक व तणनाशक फवारणीसाठी उपयोग होतो.

-फवारणीसाठी लागणाऱ्या वेळेत, श्रमात व खर्चात बचत होते.

४) स्वयंचलित एअर बूम फवारणी यंत्र हाय ग्राउंड क्लिअरन्स

- कापूस, सोयाबीन, वाटाणा इ. पिकावरील कीटकनाशक व तणनाशक फवारणीसाठी उपयोग होतो.

-फवारणीसाठी लागणाऱ्या वेळेत, श्रमात व खर्चात बचत होते.

५) स्वयंचलित रिपर

- ५ अश्‍वशक्ती डिझेल इंजिनवर चालते.

-एका दिवसात दोन ते तीन हेक्टर क्षेत्रावरील कापणी करता येते.

- पारंपरिक पद्धतीपेक्षा खर्चामध्ये ८० ते ९० टक्के बचत.

६) ट्रॅक्टरचलित सोयाबीन काढणी यंत्र - रिपर

-१८ व त्यापेक्षा जास्त अश्‍वशक्तीच्या ट्रॅक्टरने चालवता येते.

-एका दिवसात दोन ते तीन हेक्टर क्षेत्रावरील कापणी करता येते.

-पारंपरिक पद्धतीपेक्षा खर्चामध्ये ८० ते ९० टक्के बचत.

७) मिनी हार्वेस्टर

-१२ अश्‍वशक्ती डिझेल इंजिनवर चालते.

-एका दिवसात दोन ते तीन हेक्टर क्षेत्रावरील पिकांची कापणी व मळणी करता येते.

-पारंपरिक पद्धतीपेक्षा खर्चामध्ये ८० ते ९० टक्के बचत.