Thane News : मजुरीचे वाढलेले दर, महागलेली बियाणे, खते आणि भाताला मिळणारा भाव यांचा विचार करता भातशेती करणे जिकिरीचे झाले आहे. अशात या वर्षी मोठ्या प्रमाणात भात पीक आले आहे. शहापूर तालुक्यात अनेक शेतकरी कापणी यंत्राने भाताची कापणी करत आहेत.
('ॲग्रोवन'चं व्हॉट्सअ‍ॅप चॅनल जॉईन करण्यासाठी येथे क्लिक करा)
त्यामुळे पारंपरिक पद्धतीने कापणी करणाऱ्या शेतकऱ्यांना काहीसा दिलासा मिळाला आहे. यामुळे भातकापणीसाठी लागणारा वेळ व मजुरांना द्यावा लागणारा मोबदला यांच्याशी तुलना करता किफायतशीर दरात, कमी वेळेत यंत्राद्वारे होत असलेली कापणी यामुळे शेतकऱ्यांच्या खर्चात आणि वेळेत बचत होत आहे.
शेतीत आधुनिक यंत्रसामग्रीचा वापर दिवसेंदिवस वाढू लागला आहे. त्यामुळे सुपीक आणि मोठ्या आकाराच्या शेतजमिनीत कमी मेहनतीत पीक घेणे शक्य झाले आहे. असे असले तरी आजही शहापूरच्या सह्याद्री पट्ट्यात मशागत, नांगरणी, पेरणी, लावणी, कापणी, झोडणी ही कामे पारंपरिक पद्धतीनेच केली जातात. परंतु नांगरीसाठी वाढलेली मजुरी, मजुरांचा प्रवास खर्च, त्यांचा मोबदला यात वाढ झाल्याने शेतकरी हवालदिल झाला आहे.
या वर्षी मात्र ग्रामीण भागात कापणी यंत्राने शेतकऱ्यांच्या खर्चात बरीच बचत केली आहे. दिवसभरात भाताचे १०० भारे कापायचे तर चार ते पाच मजूर घ्यावे लागतात. त्यासाठी दिवसभरात तीन हजारापर्यंत खर्च येतो, परंतु कापणी यंत्र ताशी एक हजार रुपये या दराने तासाभरात १०० भाऱ्यांची कापणी करत असल्याने शेतकऱ्यांचा खर्च बराच कमी झाला आहे. शिवाय, कमी वेळेत काम पूर्ण होत असल्याने दिवसेंदिवस राबणाऱ्या शेतकऱ्यांचे कष्टही कमी होत आहेत. त्यामुळे शेतकरी खूश असून कापणी यंत्राला सर्वत्र मागणी वाढू लागली आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.