Animal Feed : राज्य सरकारचा मोठा निर्णय; शेतकऱ्यांसह पशुखाद्य उत्पादक कंपनीचा समितीत समावेश

Animal Feed Quality : गेल्या काही दिवसांपासून पशुखाद्याच्या दरात मोठी वाढ होत आहे. त्यामुळे पशुपालक मोठा आर्थिक फटका बसत आहे. त्यामुळे किफायतशीर आणि गुणवत्तापुर्ण पशुखाद्य उपलब्ध करून शेतकऱ्यांना दिलासा देण्यासाठी उपाययोजनेचा भाग म्हणून राज्य शासनाने पशुसंवर्धन आयुक्त डॉ. हेमंत वसेकर यांच्या अध्यक्षतेखाली समिती स्थापन करण्याचा निर्णय राज्य सरकारने घेतला आहे.

काही दिवसांपूर्वी पुण्यात पशुसंवर्धन व दुग्धव्यवसाय विकासमंत्री राधाकृष्ण विखे पाटील यांच्या अध्यक्षेतखाली झालेल्या बैठकीत दूधाचे दर, पशुसंवर्धन गुणवत्ता आणि दर नियत्रंण या प्रश्नांबाबत चर्चा झाली. यावेळी दूध उत्पादक सहकारी संस्था, खासगी दूध संघ, पशुखाद्य उत्पादक कंपन्या आणि शेतकरी संघटनांचे प्रतिनिधी उपस्थित होते.  

राज्यात निकृष्ट दर्जाचे पशुखाद्य मोठ्या प्रमाणात बाजारात येत असल्याची तक्रार शेतकऱ्यांनी केली होती. त्यानुसार मंत्री विखे पाटील यांच्या निर्देशानुसार पशुसंवर्धन गुणवत्ता आणि दर नियंत्रण करण्यासाठी राज्यस्तरीय समिती गठीत करण्याचा निर्णय सरकारने घेतला आहे.

या समितीची कार्यकक्षा निश्चित करण्यात आली आहे. पशुसवंर्धन आयुक्तांच्या अध्यतेखाली समितीत सहकारी दूध संघ, खाजगी दूध संघ, पशुखाद्य उत्पादक कंपनी, पशूपालकांचा समावेश आहे. या समितीने  दर तीन महिन्यातून एकदा बैठक घ्यावी. या बैठकीत पशुखाद्याच्या गुणवत्ता आणि दर नियंत्रणांवर चर्चा करावी.  समितीच्या बैठकीनंतर  अहवाल राज्य सरकारला करावा, असे या समितीच्या कार्यकक्षेत स्पष्टपणे नमूद करण्यात आले आहे.