Parbhani News : प्रधानमंत्री किसान ऊर्जा सुरक्षा आणि उत्थान महाभियानाला (पीएम-कुसुम) परभणी जिल्ह्यात २०२१ पासून आजवर २ हजार ९९० शेतकऱ्यांच्या शेतावर सौर कृषिपंप बसविण्यात आले आहेत.
या योजनेअंतर्गत आजवर आलेल्या शेतकरी अर्जापैकी ६४ हजार ७९२ अर्ज परिपूर्ण आहेत, अशी माहिती महाऊर्जाचे जिल्हा व्यवस्थापक प्रशांत गायकवाड यांनी दिली.
या योजनेअंतर्गत सौर कृषिपंपाचा लाभ मिळालेल्या शेतकऱ्यांमध्ये परभणी तालुक्यातील ५९०, जिंतूर तालुक्यातील २४८, सेलू तालुक्यातील ३९३, मानवत तालुक्यातील २३२, पाथरी तालुक्यातील ३६१, सोनपेठ तालुक्यातील २, गंगाखेड तालुक्यातील ६८,
पालम तालुक्यातील ६१, पूर्णा तालुक्यातील १ हजार १२१ शेतकऱ्यांचा समावेश आहे. पीएम कुसुमअंतर्गत लाभासाठी अटल सौर कृषिपंप योजना-१, अटल सौर कृषी पंप योजना २ व मुख्यमंत्री सौर कृषिपंप योजनांचा लाभ न घेतलेले लाभार्थी शेतकरीदेखील पात्र असतील.
मुख्यमंत्री सौर कृषिपंप योजना या योजनेअंतर्गत महावितरण कंपनीकडे अर्ज केलेले पात्र परंतु सौर कृषिपंप वाटप न झालेले लाभार्थी पात्र राहतील.
महाऊर्जामार्फत सुरू केलेल्या ऑनलाइन पोर्टलचा लाभ सर्व शेतकऱ्यांनी घ्यावा. अधिक माहितीसाठी महाऊर्जा, जिल्हा कार्यालय, वसमत रोड, परभणी येथे संपर्क साधावा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.