Drought Hit Farmers: जीवनातील एकूणच काळोखाचा अर्थातच, सर्वार्थाने वाईट गोष्टींचा नाश करून उजेडाकडे-विकासाकडे जाण्याचा आणि मूल्ये आणि माणुसकीचा उजेड उजळ करण्याचा दिवाळी हा सण आहे..दिवाळी हा शब्दच असा आहे, की जो केवळ ऐकल्यावर माणसाच्या मनात भावावस्था निर्माण करतो. ही भावावस्था आनंदाची असते. आनंदाचे हे तरंग समाजाच्या सर्वच मनात उठत असतात. जीवनातील एकूणच काळोखाचा अर्थातच, सर्वार्थाने वाईट गोष्टींचा नाश करून उजेडाकडे-विकासाकडे जाण्याचा आणि मूल्ये आणि माणुसकीचा उजेड उजळ करण्याचा दिवाळी हा सण आहे..Diwali Festival: दिवाळीच्या खरेदीसाठी ग्रामीण भागात बाजारपेठा फुलल्या.दिवाळी म्हणजे गाई-म्हशींना ओवाळण्याचा सण! दिवाळी म्हणजे पत्नीने पतीला, बहिणीने बंधुरायाला ओवाळण्याचा सण. दिवाळी म्हणजे फराळ, दिवाळी म्हणजे सुख-दुःख विसरून केवळ आनंदाचे फटाके फोडण्याचा सण! शेतकऱ्यांना दिवाळी म्हटलं, की शेत पिकल्याचा आनंद असतो. व्यापाऱ्यांना व्यापार वृद्धिंगत होणार याचा आनंद असतो. ग्राहकांना दिवाळी म्हटलं, की घरात नव्या वस्तू येणार याचा आनंद असतो..शेतशिवार निसर्गरम्य वातावरणाने दिवाळीचे स्वागत करीत असते. कापसाच्या शेतात शुभ्र पांढरा कापूस फुललेला असतो. नुकतेच पेरून उगवलेले गहू, हरभऱ्याचे शेत हिरवा शालू नेसून नटून बसलेले असतात. पिवळेधमक मोहरलेले तुरीचे पीक सर्वांचे लक्ष वेधून घेतात. सोयाबीन, मूग, उडीद, मका, पावसाळी भुईमूग, भात ही पिके शेतकऱ्यांच्या घरी आल्याने घरात समृद्धीचे वातावरण पसरलेले असते. दसऱ्यानंतर आणि दिवाळीच्या चाहुलीला गुऱ्हाळ घरं आणि साखर कारखाने सुरू होतात. त्यामुळे प्राप्त परिस्थितीत आलेल्या पिकांच्या पै-पैतून कमी-अधिक आर्थिक संपन्नता यायला सुरुवात होते..Diwali Festival : दिवाळीच्या सणाच्या आठवणी .मन आणि शरीर सचेतन असते. प्रकाशाचा हा उत्सव साजरा केल्यामुळे मानसिक आरोग्य आणि कुटुंब व नात्यातील माणसं-मित्रांसोबत हा मंगलमय सण साजरा होतो, भावनिकता जपली जाते. या प्रत्येक दिवसाचे क्षण हे निसर्ग-शेती-आरोग्य-नातेसंबंध आणि समता-आर्थिक व्यवहारातील नैतिक कर्तव्य जपण्याच्या संदर्भाने अत्यंत मौलिक आहेत. जीवनातील एकूणच काळोखाचा अर्थातच, सर्वार्थाने वाईट गोष्टींचा नाश करून उजेडाकडे-विकासाकडे जाण्याचा आणि मूल्ये आणि माणुसकीचा उजेड उजळ करण्याचा हा सण आहे. प्रत्येक जण आपापल्या ऐपतीप्रमाणे हा वर्षाचा मोठा सण साजरा करतो..मागील काही वर्षांपासून मात्र अस्मानी आणि सुलतानी संकटांच्या घाल्यामुळे अनेकांची दिवाळी आणि शेतकऱ्यांची दिवाळी यामध्ये निश्चित खूप फरक पडत आहे. सातत्याने तोट्याच्या शेतीने बहुतांश शेतकऱ्यांची दिवाळी ही अभावग्रस्तच असते. या वर्षी दुष्काळी परिस्थितीने खरीप हंगामातून अनेक शेतकऱ्यांच्या हाती काहीही लागलेले नाही. तीव्र पाणी टंचाईमुळे रब्बी हंगामापासून बहुतांश शेतकऱ्यांना वंचित राहावे लागत आहे. खरीप हंगामातून हाती आलेल्या मालाची बाजारात अडवणूक चालू आहे..सोयाबीन, कापूस असो की इतर शेतीमाल याची आवक कमी असूनही बाजारात अपेक्षित दर मिळताना दिसत नाही. एकीकडे ही अशी परिस्थिती असताना सोयाबीन, कापसाचे दर नियंत्रणात ठेवण्यासाठी आततायी आयातीचे निर्णय घेतले जात आहेत. यंदा दुष्काळाच्या पार्श्वभूमीवर शेतकऱ्यांची दिवाळी अंधारात होऊ देणार नाही, अशा राज्य सरकार घोषणा करीत असले तरी त्यास पूरक निर्णय मात्र घेतले जात नाहीत. .कमी पाऊसमानामुळे शेतकऱ्यांचे अपरिमित असे नुकसान झाले असताना केवळ पाच हजार रुपये अग्रिम त्यांच्या खात्यात दिवाळीपूर्वी टाकण्यात आला आहे. ही अग्रिम मदत असली तरी पुढेही त्यांच्या पदरात फारसे काही पडणार नाही, असेच एकंदरीत चित्र आहे. दिवाळीच्या पावन पर्वावर इडा पिडा टळू दे, बळीचे राज्य येऊ दे, अशी साद घातली जाते. परिस्थिती कितीही बिकट असली तरी बळिराजा आतापर्यंत त्यासी दोन हात करीत आला आहे. दिवाळीच्या निमित्ताने दुष्काळाची पिडा टळू दे... अशीच प्रार्थना करूया..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
