New Opportunities for Farmers: हवामान बदलातील वाढत्या नैसर्गिक आपत्तींमुळे शेती पिकांचे नुकसान वाढले आणि उत्पादकता घटली आहे. त्यातच सोयाबीन, कापूस असो, की द्राक्ष, डाळींब, आंबा, काजू, अशा कोणत्याही शेतीमालास भाव मिळत नसल्याने राज्यातील बहुतांश पिकांची शेती शेतकऱ्यांसाठी आतबट्ट्याची ठरत आहे. .त्यामुळे राज्यभरातील शेतकरी पर्यायी पिकांच्या शोधात आहेत. अशा शोधातूनच विदर्भात चिया सीड, मराठवाड्यात ड्रॅगन फ्रूट, पश्चिम महाराष्ट्रात ॲव्होकॅडो तर कोकणात रामबुतान, मॅंगोस्टीन, ड्युरियन अशा विदेशी फळ पिकांचे प्रयोग सुरू आहेत. असाच एक नवा प्रयोग पुणे जिल्ह्यातील पुरंदर तालुक्यातील दिवे परिसरातील शेतकरी सदाशिव टिळेकर यांनी केला आहे..त्यांनी दीड एकरात ३५० ॲव्होकॅडो या फळपिकाची झाडे लावली आहेत. ॲव्होकॅडोला बाजारातून असलेली वाढती मागणी आणि सध्या बाजारात मिळत असलेला भाव पाहता हे फळपीक समाधानकारक उत्पन्न देईल, असा विश्वास त्यांना आहे. फळ उत्पादनाचे हे पहिलेच वर्ष असल्याने त्यांना ॲव्होकॅडो किती किफायती ठरले, हे जाणून घेण्यासाठी थोडी वाट पाहावी लागेल..Avocado Farming Success: दिवे येथे अॅव्होकॅडो फळपीक उत्पादनाचा यशस्वी प्रयोग.मूळचे मेक्सिको आणि मध्य अमेरिकेतील ॲव्होकॅडो हे फळपीक आपल्याकडे दक्षिणेतील राज्ये आणि सिक्कीम मध्ये घेतले जाते. या फळपिकात फॅटी ॲसिड अधिक असूनही, त्यात कोलेस्ट्रॉलची पातळी कमी आहे. खनिजे व जीवनसत्त्वांनी समृद्ध हे फळपीक मानवी आरोग्यासाठी अति उत्तम मानले जाते. त्यामुळेच या फळ पिकाला बाजारातून मागणी असून दरही चांगला मिळतो..आरोग्यदायी अनेक फायद्यांबरोबर हे फळपीक कमी पाणी, कमी खर्च, कमी कष्टात बऱ्यापैकी उत्पादन देत असल्याने राज्यातील शेतकऱ्यांना हा पर्याय चांगला वाटत आहे. निमित्त बाजारभावाचे असो, वातावरण बदलाचे असो की नव्या संधी शोधण्याचे असो, शेतकऱ्यांच्या अशा प्रयोगातूनच पीक पद्धती बदलते जे गरजेचे देखील असते..असे असले तरी विक्री आणि मूल्य साखळी विकसित न झाल्यामुळे आतापर्यंत सफेद मुसळी, गवारगम या नव्या पिकांच्या प्रयोगाबरोबरच ससे, इमूपालनापर्यंतचे अनेक नवे प्रयोग राज्यात फसलेदेखील आहेत. त्यामुळे कोणताही नवीन पीक प्रयोग करताना त्यासाठी स्थानिक ते जागतिक अशा व्यापक स्तरावर बाजारपेठांमधून मागणी पाहिजे. विशेष म्हणजे त्यांचे आरोग्यदायी फायदे सर्वसामान्यांना पटायला हवेत..Dragon Fruit and Avocado Subsidy : एकात्मिक’मधून मिळणार ड्रॅगन फ्रूट, ॲव्होकॅडोला अनुदान.त्याचे दरही सर्वसामान्यांना परवडतील असे असायला हवेत. ठरावीक ग्राहक किंवा दूर देशी कुठेतरी मागणी आहे म्हणून नव्या पिकाची लागवड करणे धोकादायक ठरवू शकते. त्यामुळे ॲव्होकॅडो या फळपिकांच्या आपल्या मातीत, वातावरणात रुजतील अशा जाती विकसित करायला हव्यात..ॲव्होकॅडोच्या प्रगत लागवड तंत्रावर राज्याच्या कृषी विद्यापीठांमध्ये संशोधन होऊन ते तंत्र शेतकऱ्यांना मिळायला हवे. शेतकऱ्यांनी सुद्धा सुरुवातीला थोड्याफार क्षेत्रावर ॲव्होकॅडोची लागवड करून बाजारपेठेचा नीट अभ्यास करायला हवा. ॲव्होकॅडोच्या आरोग्यदायी फायद्यांबाबत सर्वसामान्यांमध्ये व्यापक प्रबोधन झाले पाहिजे..आपल्याकडे गोड, पाणीदार फळे खाण्याची सवय असल्यामुळे कोरड्या आणि वेगळ्या स्वादाच्या ॲव्होकॅडोला ग्राहकांची कमी पसंती दिसते. अशा वेळी यावर प्रक्रिया करून काही उत्पादने बनविता येतील का, हे देखील पाहावे लागेल. आइस्क्रीम, मिल्क शेकमध्ये याचा उपयोग होत असताना अशा प्रक्रियेवर भर द्यावा लागेल. काही विदेशी कंपन्यांनी ॲव्होकॅडो गराची टिकवणक्षमता वाढवून तो बाजारात आणला असताना प्रक्रियेचे असे प्रयोग आपल्याकडे देखील झाले पाहिजेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
