सोलापूर : राज्यात शासकीय नोकऱ्यांचे प्रमाण कमी होत चालल्याने पंतप्रधान रोजगारनिर्मितीच्या धर्तीवर मुख्यमंत्री रोजगारनिर्मिती सुरू केली आहे. पंतप्रधाननिर्मिती योजनेपेक्षा अनेक फायदे मिळवून देणारी मुख्यमंत्री रोजगारनिर्मिती योजना ऑगस्टपासून सुरू झाली. या योजनेमार्फत दुप्पट कर्ज मिळत असून भरपूर सुविधा उपलब्ध होत आहेत.
आतापर्यंत जिल्ह्यातील सव्वादोनशे अर्ज आले आहेत. डिसेंबर अखेरपर्यंत जास्तीत जास्त ग्रामीण व शहरी लोकांनी याचा लाभ मिळवून घेतला पाहिजे. उत्पादन या अंतर्गत उद्योगांसाठी ५० लाख रुपयांपर्यंतचे कर्ज उत्पादन आणि सेवांतर्गत नव्या उद्योगासाठी देता येणार आहे.
महाराष्ट्र शासनाच्या उद्योग मंत्रालयातर्फे राबविण्यात येणारी ही योजना राज्यात खादी व ग्रामोद्योग मंडळ आणि जिल्हा उद्योग केंद्रातर्फे राबविण्यात येत आहे. नव्याने उद्योग सुरू करणाऱ्यांनाच या योजनेचा लाभ घेता येतो. शहरी बेरोजगारांसाठी जिल्हा उद्योग मंडळ, तर ग्रामीण भागातील बेरोजगारांसाठी खादी ग्रामोद्योग महामंडळामार्फत ही योजना राबविण्यात येणार आहे.
स्वयंसहायता बचत गट, औद्योगिक संस्था, विश्वस्त इ. संस्था वरील दोन्ही योजनांचा लाभ घेऊ शकतात. ग्रामीण व शहरी लोकांना स्वयंरोजगाराची संधी उपलब्ध करणे, तरुण वर्गाला व पारंपरिक कारागिरांना एकत्रित करून स्थानिक पातळीवर स्वयंरोजगाराची संधी देणे आदी या उपक्रमाचे उद्देश आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.