नांदगाव तालुक्यात फळबागा वाचविण्यासाठी गावबैठका

नांदगाव तालुक्यात फळबागा वाचविण्यासाठी कृषी विभागाकडून गावबैठकांचे आयोजन
नांदगाव तालुक्यात फळबागा वाचविण्यासाठी कृषी विभागाकडून गावबैठकांचे आयोजन

नाशिक : नांदगाव तालुक्यातील फळबागा वाचविण्यासाठी कृषी विभाग सरसावला असून, याबाबत जनजागृती करण्यासाठी तालुका कृषी अधिकारी यांच्यामार्फत गावबैठका घेण्यात येत आहेत. या गावबैठकांतर्गत तालुक्यातील बाण गाव खुर्द येथील शेतकरी रवींद्र पाटील यांच्या वस्तीवर फळबाग व कपाशी उत्पादक शेतकऱ्यांसाठी तालुका कृषी अधिकारी कार्यालयातर्फे बैठक घेण्यात आली.

या बैठकीत तालुका कृषी अधिकारी विजय पवार यांनी उपस्थित शेतकऱ्यांना दुष्कळत फळबागा जिवंत ठेवण्यासाठीच्या तंत्रज्ञानाबाबत सविस्तर माहिती दिली. प्रयोगशील शेतकरी रवींद्र पाटील यांनी सिंचनाचे काटेकोर नियोजन केले आहे. त्यांच्या डाळिंबाच्या बागेला भेट देऊन प्रक्षेत्र पाहणी करण्यात आली. यानंतर श्री. पाटील यांनी उपस्थितांना याबाबत करत असलेल्या सिंचन उपाययोजनांनाबाबत माहिती दिली. या बैठकीत कृषी पर्यवेक्षक वसंत नागरे यांनी शासनाच्या शेतकऱ्यांसाठी असलेल्या विविध योजना याबाबत माहिती देण्यात आली. 

कार्यक्रमाचे नियोजन मंडळ कृषी अधिकारी एम. ए. कुरेशी व कृषी सहाययक सतीश विंचूरकर यांनी केले. या बैठकीसाठी परिसरातील प्रयोगशील शेतकरी मोठ्या संख्येने उपस्थित होते.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com