अमरावती ः येथील रुधिरा जितेंद्र दखने या पाच वर्षाच्या चिमुकलीने आपल्या बचत बॅंकेत जमा झालेली रक्कम मुख्यमंत्री सहाय्यता निधीला दिली. चिमुकल्या रुधिराचे या औदार्य व सामंजस्यपणाबद्दल कौतुक होत आहे.
रुधिरा ही अमरावतीच्या होलीक्रॉस शाळेची केजी वनची विद्यार्थिनी आहे. वाढदिवस तसेच इतर विविध कार्यक्रमांना तिला पाहूण्यांकडून खाऊसाठी पैसे मिळाले होते. हे पैसे तीने आपल्या बचत बॅंकेच्या माध्यमातून जमा केले. सध्या कोरोना विषाणूंचा संसर्ग वाढीस लागलेला आहे. त्यावर नियंत्रणाकरिता प्रशासनाकडून मदतीचे आवाहन करण्यात आले आहे. प्रशासनाच्या या आवाहनाला प्रतिसाद देत चिमुकल्या रुधिराने तिच्याकडील तीन हजार रुपयांचा निधी मुख्यमंत्री सहाय्यता खात्यात जमा करण्याचा निर्णय घेतला.
वडील जितेंद्र दखने यांनी रुधिराच्या इच्छेनुसार रक्कमेचा धनादेश तयार करून निवासी उपजिल्हाधिकारी डॉ. नितीन व्यवहारे यांच्या सुपूर्द केला. चिमुकलीच्या या संवेदनशीलतेबद्दल महिला व बालविकास मंत्री अॅड. यशोमती ठाकूर, जिल्हाधिकारी शैलेश नवाल यांन तिचे कौतुक केले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.