नांदेड, परभणी, हिंगोलीत हलका पाऊस

नांदेड : नांदेड, परभणी, हिंगोली जिल्ह्यांतील १४४ मंडळांत मंगळवारी (ता. ३०) सकाळी आठपर्यंतच्या २४ तासांत हलका ते मध्यम पाऊस झाला. नांदेड जिल्ह्यातील किनवट तालुक्यात ६, तर माहूर तालुक्यात २ मंडळांत अधिक जोर राहिला. या तीन जिल्ह्यांतील अनेक मंडळांत सोमवारी (ता. २९) रात्री, मंगळवारी (ता. ३०) दुपारपर्यंत रिमझिम सुरू होती. दरम्यान, अजून एकही मोठा पाऊस न झाल्यामुळे ओढे, नाले, नद्या अद्याप प्रवाहित झाले नसल्याची स्थिती आहे. 

नांदेड जिल्ह्यातील १६ तालुक्यांतील ८० मंडळामध्ये मध्यम ते जोरदार पाऊस झाला. किनवट, माहूर, हिमायतनगर, हदगाव, भोकर, धर्माबाद, नायगाव, बिलोली तालुक्यांत जोरदार पाऊस झाला. किनवट तालुक्यातील ७ पैकी किनवट, मांडवी, बोधडी, दहेली, जलधारा, शिवणी या ६ मंडळांत आणि माहूर तालुक्यातील वानोळा, सिंदखेड या दोन मंडळांत बऱ्यापैकी पाऊस झाला. परभणी जिल्ह्यातील सर्व ९ तालुक्यातील ३९ पैकी ३४ मंडळांमध्ये हलका पाऊस झाला. सोमवारी रात्री व मंगळवारी दुपारपर्यंत रिमझिम पावसाच्या सरी सुरू राहिल्या. हिंगोली जिल्ह्यातील सर्व ५ तालुक्यांतील ३० मंडळामध्ये हलका ते मध्यम पाऊस झाला.

मंडळनिहाय पाऊस (मिमी)