मराठवाड्यातील आठ जिल्ह्यांतील १५१ मंडळांमध्ये पाऊस

औरंगाबाद, नांदेड : मराठवाड्यातील १५१  मंडळांमध्ये रविवारी (ता. ६) सकाळी आठ वाजेपर्यंतच्या २४ तासांमध्ये हलका ते मध्यम स्वरूपाचा पाऊस झाला. उस्मानाबाद जिल्ह्यातील ईट मंडळात सर्वाधिक ७५ मिमी पाऊस झाला. परभणी, हिंगोली, नांदेड जिल्ह्यांतील अनेक मंडळांमध्ये वादळी वाऱ्यामुळे कपाशी, तूर, ऊस ही पिके आडवी पडली. काढणी सुरू असलेले सोयाबीन भिजल्याने नुकसान झाले. औरंगाबाद, जालना, लातूर, उस्मानाबाद, बीड जिल्ह्यातील अनेक मंडळांत पाऊस झाला. रविवारी (ता. ६) दुपारी परभणी शहर तसेच परिसरात विजांच्या कडकडात पाऊस झाला. औरंगाबाद जिल्ह्यातील ६५ पैकी २७ मंडळांमध्ये हलका ते मध्यम पाऊस झाला.

औरंगाबाद,गंगापूर, खुल्ताबाद तालुक्यातील काही मंडळांमध्ये चांगला पाऊस झाला. जालना जिल्ह्यातील ४९ पैकी २८ मंडळांमध्ये हलका ते मध्यम पाऊस झाला. बदनापूर, भोकरदन, मंठा, अंबड, घनसावंगी तालुक्यांतील अनेक मंडळांमध्ये चांगला पाऊस झाला. परभणी जिल्ह्यतील ३९ पैकी परभणी, जिंतूर, सेलू तालुक्यातील ४ मंडळांमध्ये हलका ते मध्यम पाऊस झाला. हिंगोली जिल्ह्यातील ३० पैकी हिंगोली, कळमनुरी, औंढानागनाथ, सेनगाव तालुक्यातील ८ मंडळांमध्ये पाऊस झाला. नांदेड जिल्ह्यातील ८० पैकी ६ मंडळांमध्ये हलका ते मध्यम पाऊस झाला.

लातूर जिल्ह्यातील ५३ पैकी २२ मंडळांमध्ये हलका ते मध्यम पाऊस झाला. रेणापूर, शिरूरअनंतपाळ तालुक्यांतील अनेक मंडळांत चांगला पाऊस झाला. उस्मानाबाद जिल्ह्यातील ४२ पैकी ३० मंडळांमध्ये हलका ते मध्यम पाऊस झाला. उस्मानाबाद, तुळजापूर, कळंब, भूम, वाशी तालुक्यांतील अनेक मंडळांमध्ये चांगला पाऊस झाला. ईट मंडळात अतिवृष्टी झाली. बीड जिल्ह्यातील ६३ पैकी २६ मंडळांमध्ये हलका ते मध्यम पाऊस झाला. बीड, वडवणी, पाटोदा तालुक्यांतील अनेक मंडळांमध्ये चांगला पाऊस झाला.

मंडळनिहाय पाऊस (मिमी) ः औरंगाबाद जिल्हा ः औरंगाबाद ४, उस्मानपुरी ८, भावसिंगपुरा २५, लाडसावंगी १८, करमाड १७, काचंनवाडी ४४, हर्सूल ५०, पिरबावडा २५, आडूळ ५, लाडगाव १६, मांजरी १७, सिद्धनाथ वडगाव ३१, वेरूळ २२, सुलतानपूर ५, बाजारसावंगी ७. जालना जिल्हा ः जालना ६, जालना ग्रामीण ५, बदनापूर ५२, रोषणगाव २२, धावडा ५, पिंपळगाव रेणुकाई ४०, हस्नाबाद १२, तळणी ४०, अंबड ६, जामखेड ११, वडीगोद्री ७, गोंदी ३७, रोहिला गड ४५, सुखापुरी ४७, घनसावंगी ३५, तीर्थपुरी २२, कुंभार पिंपळगाव २२, अंतरवेली १६. परभणी जिल्हा ः झरी ५, जिंतूर ११, सेलू १८, देऊळगाव ५. हिंगोली जिल्हा ः माळहिवरा १६, आखाडा बाळापूर ३१, गोरेगाव ७, औंढानागनाथ ६, येळेगाव ७. नांदेड जिल्हा ः मुगट ९, कुरुला ४०, फुलवळ ५, लोहगाव १६. लातूर जिल्हा ः रेणापूर ५, कारेपूर ६, पानगाव ३०, देवर्जन १०, नळेगाव १९, अंबुलगा २०, कासारबालकुंदा ५, वलांडी ७, शिरूर अंनतपाळ २५, साकोळ २२. उस्मानाबाद जिल्हा ः उस्मानाबाद शहर ७, तेर ३४, ढोकी २६, बेम्बाळी ८, केशेगाव ४७, तुळजापूर १५, जळकोट ६, सालगरा ४६, इटकळ २०, मुरुम २२, डाळिंब ९, लोहरा १४, माकणी ६, कळंब ४०, शिराढोण ११, येरमाळा १७, मोहा ३६, भूम १७, ईट ७५, वाशी ८, तेरखेडा १९, पारगाव ३१. बीड जिल्हा ः मांजरसुभा १७, चौसाळा ४०, नेकनूर ४३, पिॆपळनेर १४, पाटोदा २०, धानोरा ९, चकलंबा १४, मादळमोही ६, कौडगाव १२, माजलगाव १०, गंगामसला ५, तालखेड ५, केज ५, विडा १४.