नवी दिल्ली ः ब्राझील देश साखर उत्पादनात जगात अाघाडीवर अाहे. येथील दक्षिण भागातील कारखान्यांनी अाॅक्टोबरच्या दुसऱ्या पंधरवड्यात १.८८ दशलक्ष टन साखर उत्पादन घेतले अाहे. हे उत्पादन गेल्या वर्षीच्या तुलनेत ८.७ टक्क्यांनी कमी अाहे, अशी माहिती ब्राझीलमधील साखर उद्योग संघटनेने दिली अाहे.
अाॅक्टोबरअखेरीस येथील ऊस पट्ट्यात जोरदार पाऊस झाल्याने ऊस गाळप कमी झाल्याचे साखर कारखानदारांनी म्हटले अाहे. ब्राझील हा साखरेचा सर्वात मोठा निर्यातदार देश अाहे. एप्रिल ते मार्च दरम्यान येथील गाळप हंगामास सुरवात होते. येथील दक्षिण भागातील कारखाने अाॅक्टोबरपर्यंत ऊस गाळप करतात.
देशातील एकूण साखर उत्पादनाच्या ८० टक्के उत्पादन हे दक्षिण भागात घेतले जाते. येथील कारखान्यांनी १६ ते ३१ अाॅक्टोबरदरम्यान ३०.३ दशलक्ष टन उसाचे गाळप केले अाहे. गेल्या वर्षीच्या तुलनेत यंदाचे ऊस गाळप ५.६ टक्क्यांनी कमी असल्याचे साखर उद्योग संघटनेने म्हटले अाहे.
एप्रिल ते अाॅक्टोबरदरम्यान येथील कारखान्यांनी ५२९.६० दशलक्ष टन साखर उत्पादन घेतले अाहे. गेल्या वर्षीच्या तुलनेत यंदाचे गाळप २.८ टक्क्यांनी कमी अाहे. याच कालावधीत ३३.१० दशलक्ष टन साखर उत्पादन घेण्यात अाले अाहे. तर २२.१० दशलक्ष टन इथेनॉलचे उत्पादन घेण्यात अाले असल्याचे सांगण्यात अाले अाहे.