Indian Wheat and Export Growth: भारताच्या गहू निर्यातीत दुपटीहून अधिक वाढ होण्याची शक्यता आहे. यात आटा आणि मैद्याचादेखील समावेश आहे. पश्चिम आशियातील युद्धजन्य परिस्थितीच्या पार्श्वभूमीवर जीवनावश्यक गोष्टींच्या पुरवठ्यावर लक्ष ठेवण्याची जबाबदारी असणाऱ्या सचिवस्तरीय गटाने निर्यातकोटा वाढविण्यास हिरवा कंदील दाखवल्याची माहिती उच्चपदस्थ सूत्रांनी दिली. या निर्णयामुळे भारतीय गव्हाची तब्बल चार वर्षांनंतर आंतरराष्ट्रीय निर्यात बाजारपेठेत घरवापसी होत आहे..केंद्र सरकारने मे २०२२ मध्ये गहू निर्यातीवर बंदी घातली होती. ती फेब्रुवारी २०२६ मध्ये उठविली. गव्हाचे उच्चांकी उत्पादन आणि युद्धामुळे पुरवठा साखळी विस्कळीत झाली असतानाही देशांतर्गत बाजारात स्थिर राहिलेल्या किंमती, या पार्श्वभूमीवर हा निर्णय घेण्यात आला असल्याची माहिती या सूत्रांनी दिली..केंद्रीय ग्राहक संरक्षण, अन्न आणि सार्वजनिक वितरण विभागातील सूत्रांनी दिलेल्या माहितीनुसार गहू निर्यात कोटा २५ लाख टनांवरून तब्बल ५५ लाख टनांपर्यंत वाढविण्यात येणार आहे. तर, आट्याचा कोटा पाच लाख टनांवरून दहा लाख टनांपर्यंत वाढविण्यात येणार आहे..Wheat Prices: प्रमुख बाजारांत गव्हाच्या आवकेत वाढ; दर दबावात.भारतीय शेतकऱ्यांना फायदाजीवनावश्यक वस्तूंच्या देशांतर्गत पुरवठ्यासंदर्भात स्थापन करण्यात आलेल्या सचिवस्तरीय गटाने याबाबत शिफारस केली आहे. युद्धामुळे उद्भवणाऱ्या परिस्थितीवर लक्ष ठेवण्यासाठी, त्याच्या परिणामांचा अभ्यास करून उपाययोजना सुचविण्यासाठी स्थापन करण्यात आलेल्या सात सचिवस्तरीय गटांपैकी हा एक गट आहे. अर्थात, या घडामोडींसंदर्भात संबंधित विभागाकडून पुष्टी होऊ शकलेली नाही..जागतिक बाजारपेठेत अन्नपदार्थांच्या किमतीत वाढ होत असताना या निर्णयाचा फायदा भारतीय शेतकऱ्यांना होऊ शकेल, असा अंदाज वर्तविण्यात आला आहे. यंदाच्या हंगामात गव्हाचे उच्चांकी म्हणजे तब्बल १२० दशलक्ष टन उत्पादन झाल्याचा अंदाज आहे. अन्न आणि कृषी संघटनेने (एफएओ) ३ एप्रिल रोजी जारी केलेल्या आकडेवारीनुसार, मार्च महिन्यात जागतिक अन्न किंमत निर्देशांक १२८. ५ अंशांवर स्थिरावला. फेब्रुवारीच्या तुलनेत या आकडेवारीत तीन अंशांची ( २.४ टक्के) वाढ झाली..अधिसूचना निघण्याची शक्यतासचिवस्तरीय गटातील सूत्रांनी नाव प्रसिद्ध न करण्याच्या अटीवर सांगितले की, सध्याच्या जागतिक घडामोडींमुळे पारंपरिक पुरवठा साखळ्या विस्कळीत झालेल्या असताना विश्वासार्ह पुरवठादार म्हणून आपले स्थान बळकट करण्याचा भारताचा प्रयत्न आहे. यासंदर्भातील अधिसूचना लवकरच जारी करण्यात येईल. परदेशात अन्नधान्यांच्या किंमती वाढत असताना भारताचे धान्य उत्पादन, पुरेसा साठा आणि वाजवी किंमत यामुळे युद्धपरिस्थितीचा इतर राष्ट्रांना कमी फटका बसण्याची शक्यता आहे. धान्यांचा पुरेसा साठा आणि उच्चांकी गहू उत्पादन यामुळे भारताला निर्यात वाढविण्यास वाव आहे. देशांतर्गत गरजा भागवूनही पुरेसा साठा शिल्लक राहणार आहे..Wheat Production: गव्हाचा उतारा चांगला; दर दबावात.१२० दशलक्ष टनांचा अंदाज२०२६-२७ च्या रब्बी हंगामात १२० दशलक्ष टन गहू उत्पादित होण्याचा अंदाज आहे. त्यापैकी ३०.३ दशलक्ष टन गहू खरेदीचे उद्दिष्ट केंद्र सरकारने ठेवले आहे. एकूण उत्पादित होणाऱ्या गव्हाच्या एक चतुर्थांश गहू खरेदी करण्याचा सरकारचा इरादा आहे. ‘‘ गव्हाच्या किंमती स्थिर राहणे, ही आश्वासक बाब आहे. पण जेव्हा उत्पादन प्रचंड असते तेव्हा देशांतर्गत बाजारात अतिरिक्त पुरवठा होऊन भाव ढासळण्यापेक्षा त्याच्या निर्यातीचा निर्णय घेणे महत्त्वाचे ठरते. यातून शेतकऱ्यांच्या उत्पादनाला चांगली किंमत मिळू शकेल,’’ अशी प्रतिक्रिया शेतकऱ्यांकडून व्यक्त होत आहे..सर्वाधिक वाटा बांग्लादेशचाभारताकडून गहू आयात करणाऱ्या देशांमध्ये बांग्लादेश, इंडोनेशिया, फिलिपिन्स, व्हिएतनाम, श्रीलंका आणि आखाती देशांचा समावेश होतो. यात सर्वाधिक वाटा बांग्लादेशचा आहे. रशिया-युक्रेन युद्धाच्या वेळी भारताची गहू निर्यात इजिप्त आणि तुर्कियेलादेखील होत होती. गहू निर्यातीबाबत भारताने योग्य वेळ साधल्याची प्रतिक्रिया तज्ज्ञांंनी दिली. त्यांच्या म्हणण्यानुसार, यातून भारतीय शेतकऱ्यांची उत्पन्नवाढ होण्यासोबतच जागतिक अन्नसंकट टाळण्यात मदत केल्याबद्दल भारताच्या दबदब्यातदेखील वाढ होईल. भू-राजकीयदृष्ट्या ही एक जमेची बाब ठरेल..महत्त्वाचा निर्यातदारनिर्यातबंदी लादण्यापूर्वी भारत गव्हाचा महत्त्वपूर्ण पुरवठादार देश होता. २०२२ च्या आर्थिक वर्षात २.१ बिलियन डॉलर्स मूल्याचा, तर २०२३ च्या आर्थिक वर्षात १.५ बिलियन डॉलर्स मूल्याचा गहू भारताने निर्यात केला होता. बंदी लादल्यानंतर यात घसरण होऊन २०२४ च्या आर्थिक वर्षात ५६.७४ दशलक्ष डॉलर्स मूल्याच्या, तर २०२५ मध्ये २.०३ दशलक्ष डॉलर्स मूल्याच्या गव्हाची निर्यात होऊ शकली. यात केवळ सरकारी निर्णयांच्या पातळीवरील व्यवहारांचा समावेश होता..गहू निर्यातीचे भविष्यवाढीव अंदाजित कोटा : गहू - २५ ते ५५ लाख टन; आटा- ५ ते १० लाख टनअंदाजित उत्पादन : १२० दशलक्ष टन (२०२६-२७)सरकारी खरेदी उद्दिष्ट : ३०.३ दशलक्ष टनमुख्य आयातदार : बांग्लादेश, इंडोनेशिया, आखाती देशजागतिक किंमत मार्च २०२६: १२८.५ अंश (२.४% वाढ) [query].ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
