Export Update: पश्चिम आशियातील संकटामुळे माल वाहतुकीच्या दरात मोठी वाढ झाली असून ‘एलपीजी’च्या टंचाईमुळे पूर्व भारतातून होणाऱ्या निर्यातीस फटका बसला आहे. युरोपला जाणाऱ्या मालवाहतूक खर्चात ६० ते ८० टक्क्यांनी वाढ झाली. काही निर्यातदारांची निर्यात ५० टक्क्यांपर्यंत घटल्याचे सांगण्यात आले. .कोलकाता बंदरात शेकडो कंटेनर अडकून पडल्याची माहिती सूत्रांनी दिली. आफ्रिकी मार्गावरून जहाजे वळवावी लागल्याने वाहतूक शुल्कात ४० टक्क्यांहून अधिक वाढ झाली आहे. युद्धामुळे लावण्यात आलेल्या अतिरिक्त अधिभारामुळे युरोप आणि अमेरिकेला जाणाऱ्या मालाचा एकूण खर्च ७० ते ८० टक्क्यांनी वाढला आहे..Mango Export Hub: गट शेतीतून आंबा निर्यात हब उभारणी शक्य.निर्यातदारांनी कंटेनरच्या तुटवड्याबाबतही तक्रार केली आहे. जहाज कंपन्या निर्यातदारांना माल वाहतुकीचा तपशील देण्यास नकार देत असून, नवीन कंटेनर स्वीकारले जात नसल्याचे ‘कोलकता कस्टम हाउस एजंट असोसिएशन’चे (सीसीएचएए) अध्यक्ष मन्नू चौधरी यांनी सांगितले..Seafood Export: अमेरिकेच्या आयातशुल्क वाढीचा कोळंबी निर्यातीवर परिणाम, मत्स्यव्यवसाय मंत्री नितेश राणेंची माहिती .उत्पादन प्रक्रियेत अडचणीकोलकाता बंदरात माल भरण्यासाठी आलेले सुमारे ६०० कंटेनर शेवटच्या क्षणी रद्द झाल्यामुळे परत पाठविण्यात आले आहेत. इंजिनिअरिंग एक्स्पोर्ट प्रमोशन कौन्सिलचे (ईईपीसी) माजी अध्यक्ष राकेश शहा यांनी परिस्थिती गंभीर असल्याचे सांगितले. ते म्हणाले की, ‘‘मार्च महिना निर्यातीसाठी महत्त्वाचा असतो, मात्र या संकटामुळे तो सर्वांत वाईट महिना ठरणार आहे..हवाई वाहतूकही महागलीया संकटाचा सर्वाधिक फटका मासळी, कोळंबी यासारख्या नाशिवंत वस्तूंसह कापड आणि औषधे यांच्या निर्यातीस बसला आहे. औषधांची वाहतूक प्रामुख्याने विमानाने होत असली, तरी अनेक विमानांच्या फेऱ्या रद्द झाल्या असून हवाई वाहतुकीचे दर वाढले आहेत. सरकारने निर्यातदारांना दिलासा देण्यासाठी ४९७ कोटी रुपयांची ‘रिलीफ’ योजना मंजूर केली आहे. या योजनेअंतर्गत निर्यातदारांना मालवाहतूक आणि विमा अधिभारात ५० टक्क्यांपर्यंत परतावा मिळेल..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
