Urea and DAP Demand Increase: पश्चिम आशियातील अमेरिका-इस्राईल आणि इराणदरम्यान युद्ध सुरू झाल्यानंतर देशात युरिया आणि डीएपी खतांच्या विक्रीत वेगवान वाढ झाल्याचे केंद्र सरकारच्या निदर्शनास आले आहे. शेतकऱ्यांकडून गरजेपेक्षा अधिक खरेदी, साठेबाजी आणि खतांचा अपहार (पिल्फरेज) यामुळे ही वाढ झाल्याचा संशय केंद्रीय यंत्रणांकडून व्यक्त करण्यात आला आहे. अशा गोष्टी मोठ्या प्रमाणात झालेले देशातील १०० जिल्हे केंद्र सरकारच्या रडारवर आले आहेत..केंद्रीय कृषी विभागाच्या वतीने घेण्यात आलेल्या खरीप परिषदेत सादर करण्यात आलेल्या माहितीनुसार, १ मार्च ते २५ मे २०२६ या कालावधीत युरियाची विक्री ५०.५ लाख टन टनांवर पोहोचली. मागील वर्षी याच कालावधीत ती ४६ लाख टन होती. म्हणजेच युरिया विक्रीत ९.७८ टक्के वाढ झाली आहे. तर डीएपीची विक्री ८.९ लाख टनांवरून १२.४ लाख टनांपर्यंत वाढली असून, त्यात ३९.३३ टक्क्यांची झेप नोंदविण्यात आली आहे..Fertilizer Shortage: खत आणीबाणी .केंद्रातील वरिष्ठ अधिकाऱ्यांनी सांगितले, की युद्ध सुरू झाल्यानंतर मॉन्सूनपूर्व काळात दररोज ८० ते ८५ हजार टन युरियाची विक्री होत आहे. सामान्यतः हा आकडा ४० ते ४५ हजार टनांच्या दरम्यान असतो. त्यामुळे प्रत्यक्ष गरजेपेक्षा जास्त खरेदी होत असल्याचे संकेत मिळत आहेत..युरियाच्या अतिरिक्त विक्रीमध्ये महाराष्ट्र, हरियाना, पंजाब, उत्तर प्रदेश, राजस्थान, जम्मू-काश्मीर, आसाम, छत्तीसगड आणि झारखंड या राज्यांचा समावेश आहे. डीएपी विक्रीतील सर्वाधिक वाढ महाराष्ट्र, कर्नाटक, पंजाब, पश्चिम बंगाल आणि हरियाना येथे नोंदविण्यात आली. युद्धामुळे खत उद्योगासाठी खरेदी होणाऱ्या नैसर्गिक वायूच्या किमतीत ७० ते ८० टक्क्यांनी वाढ झाली आहे. तसेच भारताने आयात केलेल्या २५ लाख टन युरियासाठी युद्धपूर्व पातळीपेक्षा ११२ टक्के अधिक किंमत मोजली आहे. डीएपीच्या १३.५ लाख टन आयातीसाठीही सुमारे ३८ टक्के अधिक दर द्यावा लागला आहे..Kharif Fertilizer Stock: खरिपासाठी ४ हजार ४४४ टन खतसाठा सिंधुदुर्गात उपलब्ध.शंभर जिल्ह्यांत राबविणार ‘खेत बचाओ अभियान’खरीप हंगामात देशाला सुमारे ३.९ कोटी टन खतांची आवश्यकता असते. सध्या देशात दोन कोटी टनांहून अधिक खतसाठा उपलब्ध असल्याचा दावा केंद्राने केला आहे. खतांचा अवाजवी वापर रोखण्यासाठी केंद्र सरकार १ जून ते ३० जून दरम्यान देशातील सर्वाधिक खत वापरणाऱ्या १०० जिल्ह्यांत ‘खेत बचाओ अभियान’ राबविणार आहे..Sugarcane Fertilizer Management: खानदेशात ऊस पिकात खत व्यवस्थापनाला वेग.युरिया विक्रीत १० टक्के, डीएपीमध्ये ३९ टक्के वाढसद्यःस्थितीत युरियाखरेदीचा वेग एरवीपेक्षा दुप्पटकेंद्राचे महाराष्ट्रासह देशातील १०० जिल्ह्यांवर लक्ष.खतविक्रीची उड्डाणेयुरिया विक्री(१ मार्च-२५ मे २०२६) ५०.५ लाख टनयुरिया विक्री वाढ ९.७८ टक्केडीएपी विक्री १२.४ लाख टनडीएपी विक्री वाढ ३९.३३ टक्केयुरिया आयातीच्या दरांतील वाढ ११२ टक्केडीएपी आयातीच्या दरांतील वाढ ३८ टक्केखरिपासाठी खतांची गरज ३.९ कोटी टनसध्याचा उपलब्ध साठा २ कोटी टनांहून अधिक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
