Amravati News: भाववाढीच्या अपेक्षेने तुरीची साठवणूक केलेल्या शेतकरी व व्यापाऱ्यांना मोठा आर्थिक फटका बसला असून, अवघ्या काही दिवसांत तुरीच्या दरात प्रति क्विंटल तब्बल एक हजार रुपयांपर्यंत घसरण झाली आहे. अतिवृष्टीमुळे उत्पादन घटेल या अंदाजावर बाजारात तेजी निर्माण झाली होती; मात्र आता नव्या हंगामातील तुरीची आवक वाढल्याने आणि आर्द्रतेचे प्रमाण जास्त असल्याने दरावर दबाव आला आहे..अमरावती जिल्ह्यात आठ-दहा दिवसांपूर्वी तुरीला ८८०० ते ९००० रुपये प्रति क्विंटल असा उच्चांक मिळत होता. काही बाजार समित्यांमध्ये चांगल्या प्रतीच्या तुरीचे सौदे ९००० रुपयांपर्यंत झाले होते. मात्र फेब्रुवारीच्या दुसऱ्या आठवड्यापासून नव्या तुरीची मोठ्या प्रमाणात आवक सुरू झाल्याने दर घसरू लागले..Tur Production: खानदेशात तुरीच्या उत्पादनात घट.सध्या बाजारात तुरीचा भाव ७४०० ते ८२०० रुपये प्रति क्विंटलदरम्यान असून, सरासरी दरात सुमारे ८०० ते १००० रुपयांची घसरण नोंदवली जात आहे. बाजार समितीच्या माहितीनुसार, जानेवारीच्या अखेरीस रोजची आवक ४ ते ५ हजार क्विंटलपर्यंत मर्यादित होती. मात्र फेब्रुवारीच्या मध्यात ही आवक वाढून ७ ते ८ हजार क्विंटलपर्यंत पोहोचली आहे. आवक वाढल्याने तसेच अनेक शेतकऱ्यांनी साठवलेली तूर एकाचवेळी विक्रीस आणल्याने बाजारात पुरवठा जास्त झाला आहे. त्यातच नव्या तुरीतील ओलाव्याचे प्रमाण १२ ते १५ टक्क्यांपर्यंत असल्याने दर्जावर परिणाम होत असून व्यापारी दर कमी देत आहेत..व्यापाऱ्यांच्या मते, आयात-निर्यात धोरणातील अनिश्चितता आणि साठवणुकीवरील मर्यादा यामुळेही बाजारात सावध भूमिका घेतली जात आहे. मागील महिन्यात दर वाढत असल्याने अनेकांनी तूर साठवून ठेवली होती. मात्र आता दर झपाट्याने खाली आल्याने साठवणूकदारांना प्रति क्विंटल जवळपास एक हजार रुपयांचा तोटा सहन करावा लागत आहे..शेतकरी वर्गातूनही नाराजी व्यक्त होत आहे. अतिवृष्टीमुळे उत्पादन आधीच घटले असताना मिळालेला चांगला दर टिकेल, अशी अपेक्षा होती. मात्र नव्या आवकेच्या लाटेत दर कोसळल्याने हातात येणारे उत्पन्न कमी झाले आहे. पुढील काही आठवड्यांत आवक आणखी वाढण्याची शक्यता असल्याने दरावर दबाव कायम राहण्याचा अंदाज बाजार तज्ज्ञ व्यक्त करीत आहेत..Tur Price: तुरीला साडेआठ हजारांचा भाव.एकीकडे ग्राहकांसाठी डाळीचे दर काहीसे स्वस्त होण्याची शक्यता असली तरी, उत्पादन खर्च वाढलेल्या शेतकऱ्यांसाठी ही घसरण चिंतेची ठरत आहे. शासनाने खरेदी दरात स्थैर्य आणण्यासाठी हस्तक्षेप करावा, अशी मागणी शेतकरी संघटनांकडून होत आहे..आवक ९५०० क्विंटलवरअमरावती बाजार समितीत बुधवारी (ता.१८) तुरीची आवक ९५०० क्विंटल इतकी होती. ७३०० ते ८१५६ या दराने तुरीचे व्यवहार झाले..असे राहिले तुरीचे भाव३० जानेवारी ७६००-९१५०२ फेब्रुवारी ७०००-८३५०४ फेब्रुवारी ७७५०-८६५६६ फेब्रुवारी ७३००-८२६०७ फेब्रुवारी ७०००-८४००१४ फेब्रुवारी ७४००-८१५०१७ फेब्रुवारी ७४००-८२००.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
