Agriculture Market Price: दुष्काळामुळे उत्पादनात घट होण्याची भीती आणि बाजारातील आवक कमी झाल्याने तुरीच्या दरांनी दहा हजारांचा टप्पा ओलांडला आहे. विदर्भातील बहुतांश बाजार समित्यांमध्ये तुरीला दहा हजार रुपयांपेक्षा अधिक दर मिळत असून, कमाल दर १० हजार ९०० रुपयांपर्यंत पोहोचला आहे. केंद्राच्या ८ हजार ४५० रुपये हमीभावाच्या तुलनेत बाजारभावात सुमारे दोन हजार रुपयांची वाढ नोंदविण्यात आली आहे..यंदाच्या खरीप हंगामात सुरुवातीपासूनच पावसाने ओढ दिल्याने कापूस, सोयाबीन आणि तुरीच्या उत्पादनावर विपरीत परिणाम झाला. पावसाचे दीर्घ खंड, पाण्याची कमतरता तसेच किडी-रोगांच्या प्रादुर्भावामुळे पिकांची उत्पादकता घटली. अनेक भागांत तुरीच्या शेंगांची अपेक्षित वाढ झाली नाही..Tur Prices: ‘एल निनो’ अन् तूर भावाचा विक्रम.परिणामी, एकरी उत्पादनात मोठी घट होण्याची भीती वर्तवली जात आहे. दुसरीकडे, मजुरांची टंचाई आणि वाढलेला काढणी खर्च यामुळे शेतीमालाची काढणी करणेही शेतकऱ्यांसाठी आव्हानात्मक ठरले आहे. उपलब्ध मनुष्यबळानुसार शेतकरी शेतीमालाच्या काढणीला प्राधान्य देत आहेत..या सर्व घटकांचा एकत्रित परिणाम पाहता यंदा नव्या हंगामातील तुरीची आवक मर्यादित राहील, असे चित्र आहे. त्यामुळे सध्या बाजारात आवक होणाऱ्या तुरीला हमीभावापेक्षा अधिक दर मिळत असल्याची माहिती व्यापारी सूत्रांनी दिली. विशेष म्हणजे, दिवाळीपूर्वी तुरीचे दर प्रति क्विंटल ९ हजार ५०० रुपयांच्या आसपास होते. त्यानंतर बाजारातील आवक कमी होताच दरांनी दहा हजारांचा टप्पा पार केला. सध्या कारंजा लाड, चांदूरबाजार, काटोल आणि अकोला बाजार समित्यांमध्ये तुरीला दहा हजार रुपयांपेक्षा अधिक दर मिळत आहे. अकोल्यात तर कमाल दर १० हजार ९०० रुपयांवर पोहोचला आहे..Tur Farming Success: दुष्काळातही फुलवले आठ फूट तुरीचे पीक; निंबर्गीच्या गंगाधर बिराजदार यांचा प्रयोग.सध्या तुरीचे बाजारभाव हमीभावापेक्षा अधिक असल्याने शेतकऱ्यांना दिलासा मिळाला आहे. मात्र, उत्पादनातच घट झाल्याने वाढलेल्या दराचा लाभ मर्यादित उत्पादनावरच मिळणार असल्याचे सांगितले जाते. ज्या शेतकऱ्यांनी तूर साठवून ठेवली होती, त्यांच्याकडून आता टप्प्याटप्प्याने विक्री केली जात आहे. आगामी काळात बाजारातील आवक आणखी कमी झाल्यास तुरीच्या दरात वाढ होण्याची शक्यता बाजार विश्लेषकांकडून व्यक्त केली जात आहे..बाजार समिती--किमान दर--कमाल दर (प्रति क्विंटल रुपये)कारंजा लाड (वाशीम)-- ९७५५--१०,४५०चांदूरबाजार (अमरावती)--९६००--१०,५६०काटोल (नागपूर)--९७००--१०,०००अकोला--७००५--१०,९००कारंजा लाड येथे ७५० क्विंटल तुरीची आवक नोंदविण्यात आली..हमीभावापेक्षा अधिक दर- केंद्र सरकारचा तूर हमीभाव : ८४५० रुपये प्रति क्विंटल.- बाजारातील कमाल दर : १०,९०० रुपये प्रति क्विंटल.- हमीभावापेक्षा मिळणारा फरक : २४५० रुपये प्रति क्विंटल..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.