Market Bulletin: मेथीचे दर टिकूनराज्यातील बाजारात मेथीच्या भाजीचे दर तेजीतच आहेत. बाजारातील आवक कमी आणि उठाव चांगला. यामुळे दरात सुधारणा दिसून आली. मेथीची भाजी बाजारात सध्या प्रतिक्विंटल सरासरी ४ हजार ते ५ हजारांच्या दरम्यान विकली जात आहे. तर प्रतिशेकडा १२०० रुपयांपासून ते १७०० हजारांपर्यंत मेथीच्या भाजीला दर मिळत आहे. मेथीच्या भाजीचे प्लाॅट्स पावसामुळे मोठ्या प्रमाणात नुकसानग्रस्त झाले. त्यामुळे बाजारातील आवक मर्यादीत आहे. मेथीच्या भाजीची आवक पुढील काही दिवस कमीच राहण्याची शक्यता आहे, याचा आधार दराला मिळू शकतो..सिताफळ दरात नरमाईराज्यातील बाजारात सिताफळाच्या दरात काहीशी नरमाई दिसून आली. बाजारातील आवक मागील काही दिवसांपासून काहीशी सुधारल्याचे व्यापारी सांगत आहेत. मात्र अद्यापही गुणवत्तापूर्ण मालाची आवक कमीच आहे. सध्या सिताफळ ३ हजार ४ हजार रुपये प्रतिक्विंटलचा दर मिळत आहे. बाजारात गुणवत्तापूर्ण मालाची आवक कमीच आहे. पुणे, मुंबई, नागूपर, नाशिक अशा बाजारात ४ हजार ते ५ हजारांच्या दरम्यान सरासरी भाव मिळत आहे. गुणवत्ता कमी असलेला माल बाजारात अगदी १ हजारांपासून दर मिळत आहे. सिताफळाचा भाव पुढील काळातही टिकून राहू शकतो, असा अंदाज फळबाजारातील अभ्यासकांनी व्यक्त केला..Cotton Farmer Issue: कापूस उत्पादकांची चहूबाजूंनी कोंडी.शेवगा दर तेजीतचशेवग्याचा भाव बाजारात तेजीतच आहे. कमी आवक आणि चांगला उठाव यामुळे दर तेजीत आहेत. शेवग्याचे भाव तेजीत असले तरी बाजारातील आवक पिकाचे नुकसान जास्त असल्याने आवक वाढलेली नाही. आजही शेवगा सरासरी ६ हजार ते ७ हजाराने विकला जात आहे. शेवग्याची बाजारातील आवक पुढील काही आठवडे मर्यादीतच राहण्याची शक्यता आहे. मागील १० दिवसांमध्येही राज्यातील काही भागात पाऊस झाला. या पावसाने पिकाचे नुकसान वाढले आहे. त्यामुळे पुढील काही आठवडे शेवग्याचे दर तेजीतच राहतील, असा अंदाज आहे..Ethanol Industry: राज्यात जितका उपयोग तितकेच इथेनॉल खरेदी.गाजराला उठावराज्यातील बाजारात गाजराला सध्या चांगला उठाव आहे. त्यामुळे दरही चांगला मिळत आहे. गाजराची बाजारातील आवक सध्या मर्यादीत दिसत आहे. राज्यातील बहुतांशी बाजारांमधील आवक कमी असल्याचे व्यापारी सांगत आहेत. सध्या केवळ मुंबई, पुणे, नागपूर आणि नाशिक बाजार समित्यांमधील आवक अधिक दिसत आहे. मागणी असल्याने सध्या गाजर २ हजार ते २५०० रुपयाने विकले जात आहे. पुढील काळातही बाजारातील गाजराची आवक मर्यादीतच राहण्याची शक्यता आहे. त्यामुळे गाजराचे दर टिकून राहू शकतात, असा अंदाज व्यापारी व्यक्त करत आहेत..मुगाचा भाव दबावातचराज्यातील काही बाजारात नव्या मुगाची आवक होत आहे. मात्र मूग पिकाची गुणवत्ता पावसामुळे कमी झाली आहे. तसेच उत्पादनही मोठ्या प्रमाणात कमी झाले. त्यामुळे आवकही मर्यादीत आहे. मात्र असे असतानाही मुगाचे भाव हमीभावापेक्षा कमीच आहेत. मुगाला सध्या बाजारात ६ हजार ते ६५०० रुपयांचा द मिळत आहे. आयात मालाचा दबाव दरावर येत असल्याचे अभ्यासकांनी सांगितले. मुगाची आवक पुढील काळातही कमीच राहण्याची शक्यता आहे. मात्र सरकारी धोरणांचा दबाव दरावर राहण्याची शक्यता आहे, असे अभ्यासकांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
