Pune Market Yard Update: नवरात्रोत्सवामुळे उपवासासाठी लागणाऱ्या रताळ्यांची पुणे बाजार समितीत आवक वाढू लागली आहे. मात्र यंदा पाऊस कमी झाल्याने रताळ्यांच्या उत्पादनावर आणि गुणवत्तेवर परिणाम झाला आहे. रविवारी (ता. ११) बाजारात सुमारे दीड हजार पोत्यांची आवक झाली. या वेळी रताळ्यांना प्रति किलो २० ते ३५ रुपये दर मिळाल्याची माहिती रताळ्यांचे आडते अमोल घुले यांनी दिली..कराड, कोल्हापूर आणि मलकापूर भागांतून रताळ्यांची आवक होत आहे. नवरात्रोत्सवाच्या पार्श्वभूमीवर बार्शी (जि. सोलापूर) परिसरात रताळ्यांच्या लागवडीत वाढ झाली असून, या भागातूनही आवक सुरू झाली आहे. या दोन्ही भागांत शेतकरी गावरान रताळ्यांच्या लागवडीला प्राधान्य देतात. आकाराने लहान, दिसायला आकर्षक आणि चवीला गोड असल्याने या रताळ्यांना ग्राहकांची पसंती मिळते. त्यामुळे त्यांना तुलनेने चांगला दर मिळतो..Agrowon Podcast: तूरीचे भाव तेजीत, भुईमूग दरात वाढ, वांगी दर टिकून, हिरवी मिरची आवकेत वाढ तर पपई दरात चढ-उतार.कर्नाटकातून येणारी रताळी चवीला तुरट, आकाराने मोठी आणि दिसायला ओबडधोबड असतात. त्यामुळे त्यांना तुलनेने कमी मागणी असते. यंदा बाजारात पहिल्यांदाच आलेली बार्शी परिसरातील रताळी आकर्षक असल्याने ग्राहकांच्या पसंतीस उतरत आहेत..Ginger Price: आले पिकाला प्रति गाडी २८ ते ३० हजार रुपये दर.प्रति किलो दर (रुपयांत)मलकापूर २५ ते ३०कराड ३० ते ३५बेळगाव २० ते २५बार्शी ३० ते ३५.यंदा पाऊस अतिशय कमी झाल्याने शाहूवाडी तालुक्यातील रताळ्यांच्या उत्पादनावर विपरीत परिणाम झाला आहे. तालुक्यातील रताळी मुंबई, पुणे, वाशी आणि कोल्हापूर येथील बाजार समित्यांमध्ये पाठविली जातात. व्यापारी थेट बांधावर येऊनही खरेदी करू लागले आहेत. सध्या रताळ्यांना प्रति किलो २० ते ३० रुपये दर मिळत आहे. रताळी पिकातून थोडासा आर्थिक हातभार लागेल, अशी अपेक्षा होती. मात्र, पाऊस कमी झाल्याने उत्पादनात १० ते २० टक्के घट झाली आहे.विशाल पाटील, रताळी उत्पादक शेतकरी, आरूळ, ता. शाहूवाडी, जि. कोल्हापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
