Soybean Crop Progress Report: देशात सोयाबीन लागवड १०० लाख हेक्टरवर पोहोचली आहे. मध्य प्रदेश आणि महाराष्ट्रात ९० टक्के लागवडी पूर्ण झाल्या आहेत. यंदा लागवड गेल्या वर्षीपेक्षा ५ ते ७ टक्क्यांनी अधिक होण्याची शक्यता आहे. पण पीक वाढीच्या काळात पाऊस कसा असेल यावरून उत्पादकता ठरणार आहे, असे सोयाबीन प्रोसेसर्स असोसिएशन ऑफ इंडियाने (सोपा) म्हटले आहे. .‘सोपा’ने सर्व सोयाबीन उत्पादक राज्यांमध्ये ८ जुलैला लागवड आणि पिकाच्या स्थितिविषयक सर्व्हेक्षण केले. देशातील ८० ते ९० टक्के सोयाबीन लागवड पूर्ण झाल्याचे या सर्वेक्षणातून स्पष्ट झाल्याचा दावा सोपाने केला आहे. “देशातील सोयाबीनची लागवड १०० लाख हेक्टरवर पोचली आहे. सरकारच्या आकड्यांनुसार ५८ लाख हेक्टरवर लागवड झाली आहे. पण सरकारचा पेरणीचा आकडा ७ ते १० दिवसांपूर्वीचा असतो. त्यामुळे सोपाच्या अहवालातील माहिती आणि सरकारच्या अहवालातील माहितीत तफावत असते,” असे सोपाने म्हटले आहे..Fake Soybean Seeds: विदर्भात बोगस सोयाबीन बियाण्यांचा पर्दाफाश, ३०० नमुने फेल, परवाने रद्द ते फौजदारी कारवाई, मुख्यमंत्र्यांची माहिती.देशात यंदा माॅन्सूनची वाटचाल उशिरा झाली. तसेच पेरणीयोग्य पावसासाठीही शेतकऱ्यांना वाट पाहावी लागली आहे. देशातील बहुतांशी भागात शेतकऱ्यांनी उशीर होत असल्याने पहिल्या पावसावरच सोयाबीनची पेरणी केली आहे. “सोयाबीन पिकाची स्थिती जुलैच्या पहिल्या आठवड्यात चांगली होती. काही भागात पीक वाढीच्या अवस्थेत असून, शेतकरी तण नियंत्रणाचे काम करत आहे,” असेही सोपाने आपल्या अहवालात नमूद केले आहे..लागवड वाढीची शक्यतासोयाबीनची लागवड यंदा वाढण्याची शक्यता आहे. गेल्या दोन हंगामात सोयाबीनचा भाव कमी होता. त्यामुळे सोयाबीन उत्पादक मक्याकडे वळाले होते. पण सध्या सोयाबीनला चांगला भाव आहे. त्यामुळे मका उत्पादक पुन्हा सोयाबीनकडे वळतील आणि सोयाबीनची लागवड गेल्या वर्षीपेक्षा अधिक होईल, असा दावाही सोपाने केला आहे..Soybean Sowing Update: खानदेशात सोयाबीनचे क्षेत्र वाढले .सोयाबीन उत्पादन पावसावर अवलंबूनसध्या लागवडी झालेल्या भागात पिकाची स्थिती सरासरी दिसत आहे. पण लागवड वाढली तरी पुढे पीक वाढीच्या काळात पाऊसमान कसे राहते, पिकाला पोषक स्थिती राहते का, यावरून देशात किती उत्पादन होईल हे ठरणार आहे. परिस्थिती चांगली राहिल्यास उत्पादन वाढीसाठी मदत होईल, असे सोपाने म्हटले आहे..‘सोपा’नुसार राज्यनिहाय पेरणी (लाख हेक्टरमध्ये)राज्य क्षेत्रमध्य प्रदेश ४४महाराष्ट्र ४०राजस्थान ८कर्नाटक ३.५६गुजरात २तेलंगणा १.३३छत्तीसगड ०.२इतर ०.८.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
