Latur News: सोयाबीनच्या बाजारभावाने ६ हजार रुपये क्विंटल दराकडे वाटचाल सुरू केली आहे. येथील अडत बाजारात शनिवारी (ता. २४) असलेला सोयाबीनचा कमाल दर दोन दिवसानंतर मंगळवारी (ता. २७) तब्बल २०० रुपयांनी वाढून भाव ५७०० रुपये क्विंटलपर्यंत पोहचला आहे..त्यामुळे एकीकडे भाववाढीची आशा सोडून कमी दराने सोयाबीनची विक्री केलेल्या शेतकऱ्यांना चुटपूट लागली आहे, तर दुसरीकडे भाववाढीच्या शक्यतेवर भिस्त ठेवून सोयाबीन विक्री न केलेले शेतकरी खुशीत आहेत..Soybean Procurement: सांगलीच्या हमीभाव केंद्रांवर दोन हजार क्विंटल सोयाबीन खरेदी.अतिवृष्टीच्या कचाट्यातून वाचलेल्या सोयाबीनची काढणी सुरू झाल्यानंतर बाजारात ४ हजार ते ४२०० रुपये क्विंटलचा भाव होता. सोयाबीनची आवक वाढली तरी दर अनेक दिवस स्थिर राहिले. यामुळे सरकारने यावर्षी १५ नोव्हेंबरपासूनच हमीभावाने सोयाबीनची खरेदी सुरू केली. यात ५ हजार ३२८ रुपये क्विंटल भाव मिळत असल्याने अनेक शेतकऱ्यांनी भाववाढीच्या आशा सोडून देत तातडीच्या आर्थिक गरजा भागवण्यासाठी सोयाबीनची बाजारात व हमीभाव केंद्रावर विक्री केली..Soybean Market: सोयाबीन हमीभाव केंद्रांवर आवक कमी.हमीभावाला मोठा प्रतिसाद मिळत असताना बाजारात सोयाबीनची आवक कमी झाली. यामुळे मागील महिन्यापासून सोयाबीनचे बाजारभाव वाढण्यास सुरवात झाली आहे. मागील वीस दिवसांपासून सोयाबीनला ५ हजार रुपयांच्या पुढे भाव मिळताना दिसत आहे. या स्थितीतही सोयाबीनची बाजारातील आवक कमीच होती. सोयाबीन प्रक्रिया उद्योगांकडूनही बाजारापेक्षा जास्त भाव देण्यास सुरवात झाली आहे. यामुळे काही दिवसांत बाजारभावांमध्ये स्पर्धा दिसून आली..सोयाबीन आवकेचे चित्रमंगळवारी ११ हजार ५०० क्विंटलच्या पुढे बाजारात सोयाबीनची आवक होऊन कमाल भाव ५७००, किमान भाव ५०७८, तर सर्वसाधारण भाव ५४०० रुपये मिळाला. २४ जानेवारी रोजी १३ हजार ७१ क्विंटल आवक होऊन कमाल भाव ५५०० रुपये, किमान ४८३० रुपये, तर सर्वसाधारण भाव ५३०० रुपये क्विंटल होता. २२ जानेवारी १२ हजार ५०० क्विंटल आवक होती. कमाल भाव ५४१२ रुपये, किमान ४८४० तर सर्वसाधारण भाव ५३०० रुपये होता..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
