Mango Canning : जिल्ह्यात कॅनिंगकरिता हापूस आंब्याचा तुटवडा (Mango Shortage) जाणवण्याची शक्यता निर्माण झाल्यामुळे आंबा प्रक्रिया (Mango Processibg) उद्योजक धास्तावले आहेत. आंब्याच्या तुटवड्यामुळे आंब्याचा दरदेखील प्रतिकिलो ६० रुपयांवर पोहोचला आहे. अलीकडील काही वर्षांतील हा सर्वाधिक दर असल्याचे सांगितले जात आहे.
बदलत्या वातावरणाचा फटका बसलेल्या हापूसचे यावर्षी उत्पादनाच्या ३० टक्के उत्पादन मिळाले. पहिल्या आणि दुसऱ्या टप्प्यातील आंबा काहीअंशी बागायतदारांना मिळाला. परंतु तिसऱ्या टप्प्यातील अपेक्षित उत्पादन आले नाही. त्यामुळे एप्रिल अखेरपासून आंब्याची आवक घटली. आंब्याची आवकच नसल्याने प्रतिडझन ८०० ते ९०० रुपये दर टिकून आहे.
दरवर्षी अंतिम टप्प्यातील आंबा हा कॅनिंगसाठी दिला जातो. लहानमोठा सर्वच आंबा कॅनिंगमध्ये घेतला जात असल्याने बागायतदार आंबा कॅनिंगसाठी द्यायचे. आतापर्यंत कॅनिंगला प्रतिकिलो २५ ते ३० रुपये दर देऊन प्रक्रिया उद्योजक आंबा खरेदी करीत होते. परंतु यावर्षी कॅनिंगला आंबा मिळेनासा झाला आहे.
मे च्या पहिल्या आठवड्यात आंब्याचा तुटवडा निर्माण झाल्यामुळे कॅनिंगच्या आंब्याचा दरदेखील प्रतिकिलो ६० रुपयांवर पोहोचला आहे. दरवर्षी मे महिन्याच्या सुरुवातीला प्रतिदिन १०० ते १५० टन आंबा प्रक्रिया उद्योगाला जात होता.
यंदा मात्र अजूनही सुमारे २० ते ३० टन आंबाच प्रक्रिया उद्योगाला जात आहे. दरम्यान आंब्याच्या तुडवड्यामुळे कॅनिंग व्यवसाय संकटात सापडण्याची शक्यता आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
