रशियातील तेल शुद्धीकरण प्रकल्प आणि पुरवठा साखळीवर युक्रेनने केलेल्या हल्ल्यांमुळे देशात इंधनटंचाई निर्माण झाल्याची कबुली रशियाचे अध्यक्ष व्लादिमीर पुतीन यांनी दिली..रशियाच्या पायाभूत सुविधांवर, विशेषतः ऊर्जा क्षेत्रावर झालेल्या या हल्ल्यांमुळे समस्या निर्माण झाल्याचे पुतीन यांनी एका मुलाखतीत स्पष्ट केले. सध्या इंधनाचा काही प्रमाणात तुटवडा जाणवत असला, तरी ही परिस्थिती गंभीर नसल्याचेही त्यांनी नमूद केले. रशियाची हवाई संरक्षण यंत्रणा अधिक सक्षम करणे आणि ग्राहकांना, विशेषतः रशियाने ताब्यात घेतलेल्या क्रिमिया भागात इंधन पुरवठा सुरळीत करणे, याला सरकारचे प्राधान्य असल्याची ग्वाही पुतीन यांनी दिली..Vidarbh Fuel Shortage: विदर्भात ऐन खरीप हंगामात डिझेल टंचाईचा फटका.क्रिमियामध्ये गेल्या आठवड्यात स्थानिक प्रशासनाने आणीबाणी जाहीर केली होती. सत्ताधारी युनायटेड रशिया पार्टीच्या अधिवेशनात बोलताना पुतीन यांनी देशाची सुरक्षा आणि सीमांचे रक्षण करण्याचे आश्वासन दिले. रशियावर होणारे दहशतवादी हल्ले आणि आव्हानांवर आम्ही नक्कीच मात करू, असा विश्वास त्यांनी व्यक्त केला..Diesel Sales Restriction: दर दिवशी मिळणार २०० लिटरच डिझेल: केंद्र सरकारचा निर्णय.युद्ध थांबविण्यासाठी चर्चापश्चिम आशियातील युद्ध थांबल्यानंतर अमेरिकेचे विशेष दूत स्टीव्ह विटकॉफ आणि डोनाल्ड ट्रम्प यांचे जावई जेरेड कुशनर रशियाला भेट देतील, अशी अपेक्षाही पुतीन यांनी व्यक्त केली. युक्रेन युद्ध थांबवण्यासाठी अमेरिकेच्या मध्यस्थीने सुरू असलेल्या चर्चेचा भाग म्हणून विटकॉफ आणि कुशनर यांनी गेल्या वर्षभरात अनेकदा रशियाचा दौरा केला आहे..फ्रान्समधील ‘जी-७’ शिखर परिषदेत ट्रम्प यांनी रशियाला युक्रेनबरोबर करार करण्याचे आवाहन केले होते. या पार्श्वभूमीवर रशिया-अमेरिका संबंधांबाबत विचारलेल्या प्रश्नावर पुतीन म्हणाले की, आम्ही वाटाघाटी पुढे नेण्यास आणि सर्व मुद्द्यांवर चर्चा करण्यास तयार आहोत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
